پنجاب میرج ہالز ایسوسی ایشن نے حکومتی فیصلے کو مسترد کر دیا

پنجاب میرج ہال ایسوی ایشن اور پنجاب کیٹرز ایسوایشن نے حکومت کے تازہ ترین 20 نومبر سے 31 جنوری تک شادی ہال بند کرنے کے عمل کو مسترد اور اسکو فوری طور پر واپس لینے کا مطالبہ کیا ہے بصورت دیگر اس پر عمل نہیں کیا جائے گا

سرپرست اعلی جناب میاں الیاس ، صدر خالد ، ہول سیکرٹری رادطارق اسلام ، چیرمین قمر جاوید بالا ، سینیر نائب صدر ملک عقل ، نائب صدر ملک جہانگیر ، چیئرمین کمیٹز شاید اسائل ، صدر کئیٹرزلک اشفاق دیگر عہدیداران نے ہنگامی پریس کانفرنس سے خطاب کرتے ہوئے کہا کہ شادی ہال جو کہ سب سے پہلے لاک ڈاون میں ایک جنبش قلم سے 13 مارچ کو بند کیے گئے اور سب سے آخر میں 15 ستمبر 2020 کو کھولے گئے ۔

جبکہ تقریبات کا سلسلہ بھی ماه محرم و صفر ہونے کی وجہ سے شروعات نہیں ہو ئی اور ابھی کاروبار کا آغاز بھی نہیں ہوا اور اسے بند کرنے کا حکم نامہ جاری کردیا گیا جس کے مطابق شادی ہالز کے بزنس کو براہ راست نشانہ بنایا جارہا ہے اور الزام لگایا جارہا ہے کہ شادی ہالز کے کھلے سے کرونا زیادہ پھیلایا جا رہا ہے جبکہ حکومت ، اپوزیشن ، ، ریلوے ، ہوائی ، ٹرانسپورٹ وغیرہ میں کہیں بھی تعداد کرونا اختیاطی تدابیر کا خیال نہیں ہے ۔ تازہ مثال حکومت کے اپنے جلسه ( حافظ آباد ) سے وزیراعظم کا خطاب ہے ۔

ہم وزیراعظم ، چیف جسٹس آف پاکستان ، چیف آف آرمی سٹاف سے اپنے کاروبار کے تحفظ اور اپنے بچوں کے لیے حلال روزگار ، کا مطالبہ کرتے ہیں ۔ ہمیں پہلی ایس او پیز کے تحت کم تعداد میں فنکشن کرنے کی اجازت دی گئی ہے ۔

مزید براں پنجاب میں کوئی بھی شادی ہال ایس او پیز پر عمل نہ کرنے پر بند نہ ہوں ہم بدھ کو پنجاب کے تمام اضلاع میں پریس کانفرنس کر کے ان احکامات کو مسترد کریں گے ۔ اگر گورنمنٹ نے ہمارے مطالبات تسلیم نہ کیے تو تم بشمول اپنے ملازمین کے ساتھ سڑکوں پر ہوں گے ، اور روڈ بلاک کر کے سڑکوں پر دھرنا دیں گے ۔

ہم کسی بھی صورت 20 نومبر سے شادی ہالز بند نہیں ہونے دیں گے اور اس کے لیے ہمیں اپنی تمام تر قوت کو آزمائیں گے ۔ پنجاب میرج ہال ایوی ایشن نے وفاقی وزیر اسد عمر کی اہلیت پر عدم اعتماد کا اظہار کرتے ہوۓ انکے عہدے کو ختم کرنے کا مطالبہ کیا ہے ۔