پاسداران انقلاب کے ایک سینئر کرنل کے قتل کا بدلہ لیں گے،ایرانی صدر کا اعلان

ایران کے صدر ابراہیم رئیسی نے کہا ہے کہ ایران میں پاسداران انقلاب کے ایک سینئر کرنل کے قتل کا بدلہ لیں گے

ایران کے صدر ابراہیم رئیسی نے پیر کو خبردار کیا کہ ایران پاسداران انقلاب کے کرنل کے قتل کا بدلہ لے گا جسے تہران میں گولی مار کرقتل کر دیا گیا تھا،ایرانی صدر مملکت نے شہید کرنل صیاد خدایی کی شہادت پر اس کے اہل خانہ اور پاسداران انقلاب کو تعزیت اور تہنیت پیش کرتے ہوئے اس بات پر زور دیا ہے کہ اس وحشیانہ اقدام میں بلاشبہ عالمی استکبار کا ہاتھ نظر آتا ہے انہوں نے شہید خدائی کے بلندی درجات کی خواہش کرتے ہوئے کہا کہ دشمن میدان جنگ میں مدافع حرم سے ہار گئے اسی لئے اس طرح اقدامات کے ساتھ اپنی مایوسی ظاہر کرنا چاہتے ہیں ایرانی صدر ابراہیم رئیسی کا کہنا تھا کہ سیکورٹی فورسز کو سنجیدہ تعاقب کرنا چاہئیے اورہمیں یقین ہے کہ اس عظیم شہید کے خون کا بدلہ مجرموں سے لیا جائے گا

واضح رہے کہ گزشتہ روز تہران میں دو موٹر سائیکل سواروں نے کرنل صیاد کو گولیاں مار کر قتل کر دیا تھا جب وہ گھر میں داخل ہو رہے تھے، کرنل صیاد کو پانچ گولیاں لگیں، خبر رساں ادارے کے مطابق تاحال کسی بھی گروپ کی جانب سے پاسداران انقلاب کے قتل کی ذمہ داری قبول نہیں کی گئی ہے

سائبر کرائم کا شکار ہونے والی خواتین خودکشی کی طرف مائل ہو جاتی ہیں،انکشاف

پاکستانی اداروں پر سائبر حملوں میں اضافہ، بھارت سمیت کئی ممالک ملوث

بریکنگ، ابوظہبی ڈرون حملہ،ایک پاکستانی اور 2 بھارتی شہری مارے گئے

ابوظہبی پر ڈرون حملوں کے بعد سعودی عرب کا یمن پر فضائی حملہ

حوثیوں کے سعودی عرب،یو اے ای پر بیلسٹک میزائل حملے،یو اے ای نے میزائل تباہ کر دیئے

اسرائیلی صدر کے دورہ کے دوران حوثی باغیوں کا یو اے ای پر بیلسٹک میزائل حملہ

حوثی باغیوں کے حملے، امریکا کا جنگی بحری جہاز اور لڑاکا طیارے یو اے ای بھجوانے کا اعلان