چین کے شہر ووہان سے پھیلنے والے کورونا وائرس نے پوری دنیا میں پنجے گاڑھنے کے بعد اب پاکستان یں بھی تباہی مچا رکھی ہے پاکستان میں بڑھتے ہوئے خطرناک کورونا وائرس کے پیش نظر معروف اینکر پرسن مبشر لقمان کا کہنا ہے کہ قوم کی حفاظت کے لئے ہمیں فوری طور پر لاک ڈاؤن کی ضرورت ہے
باغی ٹی وی : پاکستان میں بڑھتے ہوئے خطرناک کورونا وائرس کے پیش نظر معروف اینکر پرسن مبشر لقمان کا کہنا ہے کہ قوم کی حفاظت کے لئے ہمیں فوری طور پر لاک ڈاؤن کی ضرورت ہے سماجی رابطے کی ویب سائٹ ٹویٹر پر معروف اینکر پرسن مبشر لقمان نے اپنے ٹویٹر اکاؤنٹ پر ٹویٹ میں لکھا کہ قوم کی حفاظت کے لئے ہمیں فوری طور پر لاک ڈاؤن کی ضرورت ہے اسے یعنی کورونا وائرس کو ہلکا نہیں لیا جاسکتا
To safeguard the #nation we need an immediate #lockdown. It cannot be taken lightly. Already our inflow of unchecked #travellers has posed a serious #security #threat to the country.
— Mubasher Lucman (@mubasherlucman) March 22, 2020
انہوں نے مزید لکھا کہ پہلے ہی ہمارے ناجائز مسافروں کی آمد نے ملک کو ایک سخت حفاظتی خطرہ لاحق کردیا ہے
واضح رہے کہ اس سے پہلے بھی مبشر لقمان نے کورونا کے حوالے سے حکومتی اقدامات پر ایک ویڈیو پیغام جاری کیا تھا جس میں مبشر لقمان نے کہا تھا کہ 9 دسمبر کو اس کوورونا وائرس کی نشاندہی ہوئی تھی اور 11 دسمبر کو مکمل طور پر اسکی تفصیلات سامنے آگئی تھیں کہ یہ ایک وبائی مرض ہے ہماری حکومت کے پاس 3 مہینے کا وقت تھا اس میں بہتر تیاری کی جاسکتی تھی. انہوں نے کہا کہ جو فلائٹس ملک میںآئی ان کو روکا جاسکتا تھا. اور اسی طرح جو زائرین تھے انکو بہتر طریقے سے قرنطینہ کیا جاسکتا تھا تاکہ یہ نوبت نہ آتی
مبشر لقمان نے مسائل کی نشاندہی کرتے ہوئے کہا کہ وہ ممالک جن کے پاس بہت زیادہ وسائل اور صحت کی سہولیات ہیں وہ اس سے بری طرح متاثر ہیں ہمارا ملک تو ایک ترقی پذیر ملک ہے ہمیں بہتر پلاننگ سے کام کرنا ہوگا انہوں نے کہا تھا کہ حکومت نے ابھی دو دن پہلے جو ویب سائٹ لانچ کی ہے وہ انگریزی میں کردی ہے اب بھلا کتنے فیصد پاکستانی انگریزی کو سمجھ سکتے ہیں یہ ویب سائٹ اردو میں ہونی چاہیے تھی اسی طرح علاقائی زبانوں میں اس ویب سائٹ کو بنایاجاتا تاکہ ہر کوئی اس سے مستفید ہوسکتا
سینئر اینکر پرسن نے مزید کہا تھا کہ پنجاب میں 8 سو وینٹی لیٹر ہیں جب ان میں سے اڑھائی سو خراب تھے تو ان کو ابھی تک ٹھیک کیوں نہیںکرایا گیا.ان خو ٹھیک کرنے میںکتنا وقت لگتا ہے صرف دس یا پندرہ دن ؟ لیکن آپ نے تین ماہ گزر جانے کے بعد بھی کچھ نہیں کیا.انہوں نے کہا کہ ہمارے ملک میں اس وقت صرف 9 وائرل ایکسپرٹ ہیں بائس کروڈ کی آبادی میں صرف نو ہیں تو آپ نے ان کے ساتھ کتنی میٹنگز کیں کیوں کہ اصل گائیڈ تو انہوں نے کرنا ہے کیونکہ اصل میدان کے بندے تو وہ ہیں انہوں نے بتانا ہے کہ وائرل انفیکشن سے کیسے بچنا ہے اور کمیونٹی میڈیسن والے کتنے آن بورڈ ہیں کہ وہ آپ کو بتانے کے کمیونی کو کس طرح سیف گارڈ کرنا ہے . کل اگر خدا نخواستہ لاک ڈاؤن کرنا پڑتا ہے تو کیسے گھر گھر جاکر کر لوگوں کو راشن پہنچانا ہے
وضح رہے کہ ملک میں بڑھتے ہوئے کورونا وائرس کے پیش نظر پنجاب حکومت کی جانب سے آج رات 9 بجے سے لے کر منگل صبح 9 بجے تک تمام شاپنگ مالز اور ریسٹورنٹس بند کرنے کا حکم جاری کردیا ہے حکومت پنجاب کے جاری کردہ نوٹیفکیشن کے مطابق فارمیسی،کلینک،گراسری شاپس،کریانہ سٹور،آٹے کی چکیاں،تندور،ملک شاپس،ورکشاپس،پٹرول پمپس،سبزی اور فروٹ کی دوکانیں معمول کے مطابق کھلی رہیں گی جبکہ خلاف ورزی کی صورت میں سخت کارروائی عمل میں لائی جائے گی
مبشرلقمان کی وزیر اعظم عمران خان سے ملاقات ، وباء سے متعلق خصوصی پیغام کیا دیں گے؟؟؟
