نظربندی کا حکم واپس،شاہ محمود قریشی اڈیالہ سے رہائی کے بعد دوبارہ گرفتار

ڈپٹی کمشنر راولپنڈی نے شاہ محمود قریشی کی نظر بندی کا حکم واپس لے لیا

پولیس نے شاہ محمود قریشی کو 9 مئی کے مقدمات میں گرفتار کرلیا ،ڈپٹی کمشنر راولپنڈی نے گزشتہ روز شاہ محمود قریشی کی 15 روزہ نظر بندی کے احکامات جاری کیے تھے، سائفر کیس میں سپریم کورٹ سے ضمانت کے بعد شاہ محمود قریشی سائفر کیس میں رہا ہوئے ، جیل سے نکلتے ہیں راولپنڈی پولیس نے اپنی تحویل میں لے لیا، بکتر بند گاڑی میں نامعلوم مقام پر منتقل کر دیا.شاہ محمود قریشی کو پولیس دھکے مارتے ہوئے گاڑی تک لے کر گئی، بکتر بند گاڑی میں شاہ محمود قریشی کو بٹھایا گیا، اس موقع پر شاہ محمود قریشی کا سامان بھی گاڑی تک پہنچایا گیا.

اس موقع پر شاہ محمود قریشی کا کہنا تھا کہ ظلم ، ناانصافی،سپریم کورٹ کے آرڈر کا مذاق اڑایا گیا، مجھے دوبارہ جھوٹے مقدمے میں گرفتار کیا گیا، انتقامی سیاست کی جا رہی، بے گنا ہ ہوں،

رہائی کے فوراً بعد راولپنڈی پولیس نے شاہ محمود قریشی کو تھانہ آر اے بازار کے مقدمے میں گرفتار کیا۔شاہ محمود قریشی کی مقدمہ نمبر 981 اور 708 میں گرفتاری ڈالی گئی ہے، شاہ محمود قریشی کو اڈیالہ جیل سے تھانہ آر اے بازار منتقل کردیا گیا ہے، شاہ محمود قریشی کا جسمانی ریمانڈ لینے کیلئے انہیں ڈیوٹی مجسٹریٹ کی عدالت میں پیش کیا جائے گا،

میرے والد برصغیر کی سب سے بڑی جماعت کے گدی نشین ،لحاظ نہیں کیا گیا،مہر بانو قریشی
راولپنڈی: شاہ محمود قریشی کی بیٹی مہر بانو قریشی اور وکیل بیرسٹر تیمور ملک جوڈیشل کمپلیکس پہنچ گئے ،شاہ محمود قریشی کی بیٹی مہر بانو قریشی نے جوڈیشل کمپلیکس میں گفتگو کرتے ہوئے کہا کہ شاہ محمود قریشی کی گرفتاری کے حوالے سے آگاہ نہیں کیا گیا، ہمیں بتایا گیا کہ کسی نئے مقدمے میں شاہ محمود کو گرفتار کیا گیا، ہمیں نہیں بتایا جارہا کہ نہیں کہاں لے کر گئے، انہیں ریمانڈ کے لیے پیش کیا جائے گا یا نہیں،میرے والد کی گرفتاری کے وقت نہ رتبے کا لحاظ کیا گیا اور نہ ہی عمر کا، برصغیر کی سب سے بڑی جماعت کے گدی نشین ہیں اس کا لحاظ نہیں کیا گیا،الیکشن لڑنا شاہ محمود قریشی کا حق ہے ان کو دینا چاہیئے،

شاہ محمود قریشی کی سائفر کیس میں ضمانت سپریم کورٹ نے منظور کی تھی، عمران خان کی بھی ضمانت منظور ہوئی تھی تا ہم عمران خان کی رہائی نہیں ہو سکے گی کیونکہ وہ القادر ٹرسٹ اور توشہ خانہ کیس میں جوڈیشل ریمانڈ پر ہیں

سائفر کیس کی سماعت کل تک کیلئے ملتوی 

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس میں چیئرمین پی ٹی آئی کا جیل ٹرائل کالعدم قرار

سائفر کیس،لگی دفعات میں سزا،عمر قید،سزائے موت ہے،ضمانت کیس کا فیصلہ

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی