ماڈلنگ کے بعد اداکاری میں آنے والی رابعہ بٹ نے حال ہی میں شارٹ ڈرامہ گناہ میں پولیس آفیسر کا کردار کیا ہے، ان کے مقابلے میں سرمد کھوسٹ ، صبا قمر اور جگن کاظم نے مرکزی کردار ادا کئے ہیں. ڈرامے کی کہانی میں دکھایا گیا ہے کہ بہنوئی اور سالی کی محبت کس طرح سے بے گناہ لڑکی کی جان لے لیتی ہے. کہانی میں صبا قمر نے سرمد کھوسٹ کی سالی کا کردار ادا کیا ہے، دونوں نے اپنی محبت کو پانے کےلئے ایک کھیل کھیلا جس میں سرمد کھوسٹ کی بیوی کی جان چلی جاتی ہے. رابعہ بٹ اس میں ایک ایماندار آفیسر دکھائی گئی ہیں، ان کے کردار کا نام صاحبہ ہے.
رابعہ بٹ نے نہایت ہی عمدگی کے ساتھ پولیس آفیسر کا کردار ادا کیا ہے ، خصوصی طور پر سرمد کھوسٹ کے ساتھ ان کے ڈائیلاگز بہت زبردست ہیں. ”ڈرامے کا ایک بڑا حصہ لاہور میں باری سٹوڈیو میں شوٹ کیا گیا ہے”. ڈرامے کی ٹوٹل 6 اقسااط تھیں ، کہانی کو بہت پسند کیا گیا رابعہ بٹ نے ثابت کیا کہ وہ ایک بہترین ماڈل ہی نہیں بہترین اداکارہ بھی ہیں . سرمد کھوسٹ ایک ایسا شخص دکھایا گیا ہے جو کہ بہت امیر ہے اور اپنے آگے کسی کی چلنے نہیں دیتا. یہاں تک کہ اپنی اہلیہ کے لئے بھی سنگدل ہوجاتا ہے. گناہ ڈرامہ ایک بہترین ڈرامہ تھا جو اختتام پذیر ہو چکا ہے لیکن شائقین کو رابعہ اور سرمد کی اداکاری نے بہت متاثر کیا ہے.
