کنونیئر کل جماعتی کشمیررابطہ کونسل و چیئرمین پبلک اکاﺅنٹس کمیٹی عبدالرشید ترابی نے رابطہ عالم اسلامی کے سیکرٹری جنرل محمد بن عبدالکریم العیسی کے نام کھلا خط لکھا ہے جس میں کشمیر کی موجودہ صورتحال سے آگاہ کیا گیا ہے

باغی ٹی وی کی رپورٹ کے مطابق رابطہ عالم اسلامی کے سیکرٹری جنرل محمد بن عبدالکریم العیسی کو لکھے گئے خط میں کہا گیا ہے کہ نریندرمودی مقبوضہ کشمیر میں مسلمانوں کی نسل کشی کررہے ہیں ،کشمیری مسلمانوں کو شہید کر کے ان کی جگہ انتہا پسند ہندﺅوں کو کشمیر میں آباد کرنے کا منصوبے پر عمل پیرا ہیں ،مسلسل 3ہفتوں سے کرفیو کی وجہ سے شدید بحران پیدا ہو چکا ،غذائی قلت دودھ کے سوا بچے بلک رہے ہیں زندگی بچانے والی ادویات کا فقدان ہے ،رابطہ عالم اسلامی ایک وفد مقبوضہ کشمیر بھیجے ،رابطہ عالم اسلامی دینی اقدار کے تحفظ کے لیے اپنا کردار ادا کرے ،

ثابت ہوگیا بھارت دنیا سے حقائق چھپا رہا ہے، شاہ محمود قریشی

خط میں مزید کہا گیا کہ اہل کشمیر حرمین شریفین اور سعودی عرب کی حفاظت اپنے ایمان کا حصہ سمجھتے ہیں اسلامی ممالک بھارت کا سیاسی،معاشی اور سفارتی بائیکاٹ کریں تو بھارت کشمیریوں کی نسل کشی بند کرنے اور ان کا حق حق خودارادیت دینے پر مجبور ہوسکتا ہے ،

بھارت نے جنگ مسلط کی تو نئی دہلی میں جاکر ختم کریں گے، فردوس عاشق اعوان

عبدالرشید ترابی نے خط میں لکھا کہ مقبوضہ کشمیر گزشتہ 3ہفتوں سے مسلسل کرفیو کی ذد میں ہے سوا کروڑ کشمیری مسلمان شدید مشکلات کا شکار ہیں سکول اور کالجز فوجی چھاونیوں میں تبدیل کر دئےے گے ہیں رات کے اندھیرے میں کریک ڈاﺅن کر کے کشمیریوں کو شہید اور گرفتار کر کے لاپتہ کیا جارہا ہے نریندرمودی کشمیر میں کشمیری مسلمانوں کی نسل کشی کے منصوبے پر عمل پیرا ہیں اس نسل کشی کے ذریعے ریاست کے مسلم تشخص کو ختم کر نے کی سازش کررہے ہیں اسلامی اقدار کی پابندی عائد کر دی گئی ہے کشمیری مسلمانوں کو عید کی نماز اور حتیٰ کہ قربانی کی ادائیگی سے بھی روک دیا گیا ،مسلسل کرفیو کی وجہ سے شدید غذائی بحران پیدا ہو چکا بچے دودھ کے بغیر بلک کررہے ہیں خطرے ناک بیماریوں کا شکار مریض ادویات کے فقدان کی وجہ سے موت کے منہ میں جا رہے ہیں انسانی حقوق اور ریلیف کی تنظیموں پر پابندی ہے انٹرنیٹ ،فون سمیت تمام رابطے منقطع ہیں ہزاروں نوجوانوں اور سیاسی قائدین کو ٹارچر سیلوں میں قید کر کے ٹارچر کیا جارہا ہے عزت مآب خواتین کی بے حرمتی کی جارہی ہے فصلیں تباہ کی جارہی سیز فائر لائن پر بھی بھارت کی شلنگ کا سول آبادی نشانہ ہے سکولز اور ہسپتال بھی نشانے پر ہیں مودی کے ان اقدامات کی وجہ سے ایٹمی جنگ کے خطراہ بڑھ گے ہیں،عالم اسلام سمیت دنیا کے امن کے لیے بیانک چیلنج بن گیا ہے رابطہ عالم اسلامی نے ہمیشہ امت مسلمہ کے مسائل کے حل کے لیے آواز اٹھائی ہے قرآن وسنت کی تعلیم کے لیے ہر جگہ انتظام کیا ہے ان حالات میں رابطہ عالم اسلامی اور اسلامی ممالک کی ذمہ داری ہے کہ وہ موثر کردار ادا کریں تا کہ مقبوضہ کشمیر کے سواکروڑ عوام کی زندگیوں کو بچایا جاسکے ،

مودی نے اپوزیشن لیڈر کے کشمیر داخلے پر لگائی پابندی، راہول کو ائیر پورٹ سے بھیجا واپس

خط میں مزید کہا گیا کہ اہل کشمیر آپ سے توقع رکھتے ہیں کہ آپ اپنے پلیٹ فارم سے کشمیریوں کی آواز کو دنیا تک پہنچائیں گے خط میں لکھاکہ بھارت کی معیشت کا انحصار اسلامی ممالک پر ہے اگر اسلامی ممالک بھارت سے سیاسی،سفارتی اور معاشی بائیکاٹ کریں تو بھارت مجبور ہوسکتا ہے کہ وہ کشمیریوں کی نسل کشی سے باز رہے اور کشمیریوں کو ان کا بنیاد ی اور پیدائشی حق حق خودارادیت فراہم کرے خط میں مسلمان نہ صرف مقبوضہ کشمیر میں زیر عتاب ہیں بلکہ کروڑوں مسلمان ہندوستان کے اندر بھی غیر محفوظ بنا دئےے گے ہیں ان کی جانوں کو بھی شدید خطرات لاحق ہیں ان حالات میں رابطہ عالم اسلامی اپنا موثر اور قائدانہ کردار ادا کرے ۔