کراچی میں ریلوے کے ملازمین سٹی اسٹیشن پر ادارے کی نجکاری کے خلاف ملک گیر احتجاج کر رہے ہیں- احتجاج ریلوے ورکرز یونین کے چیئرمین منظور رضی اور سیکریٹری جنرل نسیم راؤ کی قیادت میں کیا جارہا ہے۔ کراچی ڈویژن کے دیگر حصوں سے بھی ملازمین احتجاج میں شرکت کے لیئے سٹی اسٹیشن پہنچ رہے ہیں-
منظور رضی رہنما ریلوے ورکرز یونین نے احتجاج کے متعلق بتایا کہ احتجاج سن کوٹہ بھرتی،اوور ٹائم،اسسٹنٹ پیکیج ریگولرائزیشن، ٹرینوں اور مختلف شعبوں کی نجکاری کے خلاف کیا جا رہا ہے۔ اسسٹنٹ پیکیج ملازمین نو برس سے عارضی بنیادوں پر کام کر رہے ہیں انہیں مستقل کیا جائے۔ٕ
نسیم راؤ سیکریٹری جنرل نے کہا کہ آٹھ گھنٹوں کی شفٹ کے بعد ملازمین کو اوور ٹائم دیا جائے۔ افرادی قوت کی قلت کا خاتمہ کیا جائے۔
ریلوے میں اٹھائیس ہزار آسامیاں خالی ہیں انہیں پر کیا جائے۔ رہنما ریلوے ورکرز یونین منظور رضی نے مزید کہا کہ اسلام آباد میں سرکاری ملازمین کے خلاف طاقت کے استعمال کی مزمت کرتے ہیں۔ نسیم راؤنے کہا کہ اسلام آباد کے مظاہرین سے اظہار یکجہتی کرتے ہیں۔