بارشوں نے بھارت میں تباہی مچادی

نئی دہلی (اے پی پی) بھارت میں مون سون کی بارشوں سے38 افراد ہلاک ہوگئے جبکہ 18ملین لوگ متاثر ہوئے.

تفصیلات کے مطابق شمالی بھارت میں مون سون بارشوں سے ہلاکتوں کی تعداد بڑھ کر38 ہوگئی ہے۔ دارالحکومت نئی دہلی میں سیلاب کے خطرے کے باعث ہائی الرٹ جاری کر دیا گیا ہے جبکہ ہزاروں افراد سے اپنے گھر بار چھوڑنے کی اپیل کی گئی ہے۔ بھارت میں جون سے لے کر 15 اگست تک مون سون کی بارشوں کے باعث مجموعی طور پر ایک ہزار سے زائد افراد ہلاک ہو چکے ہیں جبکہ ان بارشوں سے متاثر ہونے والے افراد کی تعداد18 ملین سے زائد بتائی گئی ہے۔