مانچسٹر: ساؤتھمپٹن ٹیسٹ کا تیسرا دن بارش کی نذر،پاکستان کے 9 کھلاڑی آوٹ ہوکرپولین واپس جاچکے ،اطلاعات کے مطابق پاکستان اور انگلینڈ کے درمیان دوسرا ٹیسٹ میچ جاری ہے، دوسرے روز کا کھیل خراب روشنی کے سبب جلد ختم ہوگیا، پاکستان نے 9 کھلاڑیوں کے نقصان پر 223 رنز اسکور کیے۔
اولڈ ٹریفورڈ ٹیسٹ میں شکست کو بھلا کر پاکستان ساؤتھمپٹن میں انگلینڈ سے دوسرے ٹیسٹ میں مدمقابل ہے جہاں دوسرے روز بھی بارش کا سلسلہ جاری رہا اور میچ تاخیر سے شروع ہوا۔ بابراعظم اور محمد رضوان نے اننگز کا آغاز کیا، پہلے روز پاکستان کے پانچ کھلاڑی آؤٹ ہوچکے تھے۔
پاکستان اور انگلینڈ کی کرکٹ ٹیموں کے درمیان ساؤتھمپٹن ٹیسٹ کے تیسرے روز کا کھیل بارش کی وجہ سے نہیں ہو سکا۔ میچ آفیشلز نے دن میں تین بار گراؤنڈ اور پچ کا معائنہ کیا تاہم انہوں نے بارش کی صورت حال کو دیکھتے ہوئے میچ شروع کرنے کا سگنل نہیں دیا۔
اس طرح بارش کے باعث کوئی گیند کیے بغیر پورے دن کا کھیل ضائع ہو گیا۔
میچ کے دوسرے روز پاکستان نے 9 کھلاڑیوں کے آؤٹ ہونے پر 223 رنز بنائے تھے۔میچ کے تیسرے روز وکٹ کیپر بیٹسمین محمد رضوان 60 رنز کے ساتھ کریز پر موجود ہیں جبکہ نسیم شاہ نے ایک رن بنایا ہے۔
گذشتہ روز کا کھیل دو گھنٹے کی تاخیر سے شروع ہوا اور پھر خراب روشنی کے باعث جلد ختم کر دیا گیا تھا۔
پاکستانی ٹیم نے ٹیسٹ میچ کے دوسرے روز کا آغاز 5 وکٹوں کے نقصان پر 126 رنز سے کیا تھا اور دن کے اختتام تک نو وکٹوں کے نقصان پر 223 رنز بنائے۔ میچ کے دوسرے روز بھی محمد رضوان کے علاوہ پاکستان کا کوئی بلے باز نمایاں کارکردگی نہ دکھا سکے۔
پاکستان کو پہلا بڑا نقصان بابر اعظم کے آؤٹ ہونے سے ہوا جو 47 رنز بنا کر سٹوارٹ براڈ کی گیند پر کیچ آؤٹ ہوئے، جبکہ شاہین شاہ آفریدی بغیر کوئی رن بنائے رن آؤٹ ہوگئے۔ محمد عباس دو رنز بنانے کے بعد براڈ کی بال پر ایل بی ڈبلیو ہو گئے۔
انگلینڈ کی جانب سے جیمز اینڈرسن اور سٹوارٹ براڈ نے تین تین کھلاڑیوں کو آؤٹ کیا جبکہ ایس ایم کرن اور ووکس نے ایک ایک وکٹ حاصل کی۔دوسرے ٹیسٹ میں پاکستان کی ٹیم نے ٹاس جیت کر پہلے بیٹنگ کرنے کا فیصلہ کیا تھا۔
یاد رہے کہ پہلے ٹیسٹ میچ میں انگلینڈ نے پاکستان کو تین وکٹوں سے ہرایا تھا اور اسے سیریز میں ایک صفر کی سبقت حاصل ہے۔اوپنر شان مسعود ایک رنز بنانے کے بعد آؤٹ ہو گئے (فوٹو: اے ایف پی)
ٹیسٹ میچ کے پہلے روز پاکستان کی بیٹنگ لائن غیر مستحکم رہی۔ تیسرے ہی اوور میں اوپنر شان مسعود ایک رنز بنانے کے بعد آؤٹ ہو گئے۔
اس کے بعد آنے والے بلے باز کپتان اظہر علی بھی زیادہ دیر وکٹ پر نہ ٹھر سکے اور 20 رنز بنا کر جیمز اینڈرسن کی بال پر روری برنز کے ہاتھوں کیچ آؤٹ ہو گئے۔
اوپنر آنے والے عابد علی نے ٹیم کو سہارا دیتے ہوئے 60 رنز بنائے اور برنز کے ہاتھوں کیچ آؤٹ ہوئے۔ اس کے بعد اسد شفیق صرف پانچ رنز بنا کر براڈ کی گیند پر کیچ دے بیٹھے۔
دس سال بعد ٹیم میں جگہ بنانے والے فواد عالم بغیر کوئی رنز بنائے آؤٹ ہوئے۔انگلینڈ کے ہاتھوں مانچسٹر کے اولڈ ٹریفورڈ میدان میں کھیلے گئے پہلے ٹیسٹ میچ میں تین وکٹوں کی شکست کے بعد پاکستان کرکٹ ٹیم نے ساؤتھمپٹن میں دوسرے ٹیسٹ کے لیے ٹیم میں شاداب خان کی جگہ فواد عالم کو شامل کیا۔
انگلینڈ کی ٹیم میں دو تبدیلیاں کی گئی ہیں۔ بین سٹوکس اور آرچر کی جگہ زیک کراولے اور سیم کرن کو شامل کیا گیا ہے۔ مانچسٹر میں کھیلے گئے پہلے ٹیسٹ میچ میں پاکستان کے کم تجربہ رکھنے والے بولرز نے عمدہ کارکردگی دکھائی تھی تاہم آخری اننگز میں جیتا ہوا میچ پریشر برداشت نہ کرنے کی وجہ سے ہار دیا۔
