ہنی مون سے پہلے عمرہ کرنے جائیں گے راکھی اور عادل کی میڈیا سے گفتگو

بالی وڈ کی اداکارہ اور آئٹم گرل کہلائی جانے والی راکھی ساونت نے گرفتاری سے قبل میڈیا سے گفتگو کی اس موقع پر ان کے شوہرعادل درانی بھی ان کے ساتھ موجود تھے. جب میڈیا نے ان سے سوال کیا کہ ہنی مون کہاں منائیں گے تو عادل درانی نے کہا کہ ہم ہنی مون سے پہلے عمرہ کریں گے. راکھی نے بھی کہا کہ ہم ہنی مون سے پہلے عمرہ کی ادائیگی کریں گے . عمرہ کے دوران ہمارا رشتہ پکا ہوجائیگا اور جس رشتے کو اللہ تعالی جوڑتا ہے اسکو کوئی بھی نہیں توڑ پاتا. میری دعا ہے کہ اس بار میرا گھر جڑ جائے اور میرا رشتہ پکا ہوجائے. یوں راکھی ساونت نے اسلام قبول کرنے کے بعد اسکی تعلیمات پر بھی عمل کر نا شروع کر دیا ہے. راکھی ساونت نے نہ صرف برقعہ پہننا شروع کر دیا ہے بلکہ وہ عمرہ

کی ادائیگی کا بھی ارادہ رکھتی ہیں. وہ کئی بار کہہ چکی ہیں کہ اسلام میں‌کم کپڑے پہننے کی بھی اجازت نہیں ہے لہذا میں کم کپڑے بھی نہیں پہنوں گی. یاد رہے کہ راکھی ساونت اور عادل درانی کی شادی گزشتہ برس مئی کے مہینے میں ہوئی اور دونوں‌نے اپنی شادی کا اعلان حال ہی میں کیا ہے. لیکن راکھی ساونت کو خدشات ہیں‌کہ کہیں عادل کے گھر والے اسکا رشتہ نہ ختم کروا دیں.