fbpx

پاکستان زندہ باد موومنٹ کیطرف سے یکجہتی کشمیر ریلی ، کشمیر بنے گا پاکستان کے نعروں سے گونج اٹھی

لاھور :وزیراعظم پاکستان عمران خان کی ہدایت پر پاکستان زندہ باد موومنٹ کیطرف سے یکجہتی کشمیر ریلی نکالی گئی ، پاکستان زندہ باد موومنٹ کے مرکزی راہنماء و صدر جان محمد رمضان جانباز نے ریلی کی قیادت کی ۔

ریلی راوی پل چوک سے شروع ھوکر چیئرنگ کراس پر اختتام پذیر ہوئی ۔ چیئرنگ کراس پر دنیا کے سب سے بڑے دہشت گرد مودی کا پتلا جلایا گیا ۔بانی و مرکزی صدر جان محمد رمضان نے ریلی کے شرکاء سے خطاب کرتے ہوئے کہا کہ ھم کشمیر پر کسی قسم کے سمجھوتے کیلئے تیار نہیں

ھم وزیراعظم پاکستان عمران خان و سپہ سالار پاکستان جنرل قمر جاوید باجوہ کے شانہ بشانہ ساتھ کھڑے ہیں ۔ھم کشمیر و کشمیری عوام سے وفا کی آخری حد تک جائیں گے ھم کشمیر لیکر رہیں گے ھم مودی کے ہر اقدام پر سیسہ پلائی دیوار بن کر کھڑے ھونگے

پاکستان زندہ باد موومنٹ کے مرکزی صدر جان محمد رمضان نے کہا کہ ھم وزیراعظم پاکستان عمران خان کے اعلان پر یکجہتی کشمیر پر لبیک کہتے ہیںجب بھی وطن کے استحکام و سلامتی کیلئے نکلنا پڑا ھم افواج پاکستان کے جوانوں کے سینوں کے آگے کھڑے ھوکر اپنے ملک کا دفاع کریں گے ۔

ریلی میں پاکستان زندہ باد موومنٹ کے مرکزی سینئر نائب صدر سمیع اللہ شنواری، مرکزی نائب صدور ملک عتیق،عمر مرزا ، ملک عمران ، میاں قیصر ۔ چوھدری ناصر ، محمد عارف ، قاری فہید اللہ ، قاری سعید احمد شاہ صدر پنجاب رانا یاسین ، نائب صدر ظہیر احمد گڈو ، ملک طیب عتیق ، ملک طہور عتیق ، عصمت اللہ خان ، میاں مظفر رمضان، حافظ شاہد ،عبدالمنان جان اور کارکنان نے شرکت کی اور یکجہتی کشمیر کے لئے ہر محاذ پر دفاع کا ارادہ کیا