منشیات کیس میں گرفتار مسلم لیگ ن کے رہنما رانا ثناءاللہ سے کیمپ جیل میں اہل خانہ نے ملاقات کی۔
باغی ٹی وی کی رپورٹ کے مطابق منگل کے روز کیمپ جیل لاہور میں منشیات کیس میں قید رکن قومی اسمبلی، صدر مسلم لیگ ن پنجاب رانا ثنا اللہ سے ان کی اہلیہ اور بیٹی نے ملاقات کی۔ ملاقات کے بعد میڈیا سے گفتگو کرتے ہوئے رانا ثنا اللہ کی اہلیہ نبیلہ ثنا کا کہنا تھا کہ رانا ثنااللہ کے میڈیکل کے لیے درخواست دے رہے ہیں۔ ان کے بینک اکاؤنٹ سیل کر دئیے گئے ہیں جو بھی ساتھ دینے کی کوشش کرتا ہے انسداد منشیات کا ادارہ انہیں نوٹس بھجوا دیتا ہے۔
رانا ثناء اللہ نے منشیات سمگلنگ سے کتنی پراپرٹی بنائی؟ رپورٹ جاری
رانا ثناء اللہ کی اہلیہ نے شکوہ کرتے ہوئے کہا کہ ان کے والد کی وفات کے باوجود ان کے شوہر اور داماد کو پیرول پر رہا نہیں کیا گیا.
واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. .
منشیات کیس، رانا ثناءاللہ کے بعد ایک اور بڑی گرفتاری، ن لیگ میں کھلبلی مچ گئی
رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
رانا ثناء اللہ پر پہلی ایف آئی آر مسلم لیگ ن نے درج کروائی تھی، صمصام بخاری
