رنبیر کپورعالمی وبا کورونا وائرس کا شکار ہوگئے

بالی ووڈ اداکار رنبیر کپور بھی عالمی وبا کورونا وائرس کا شکار ہوگئے ہیں۔

باغی ٹی وی : بھارتی میڈیا رپورٹس میں یہ خبریں زیرگردش تھیں کہ ان کی طبیعت ناساز ہے تاہم اب ان کی والدہ نیتو کپور نے تصدیق کی ہے کہ رنبیر کپور کورونا وائرس میں مبتلا ہیں۔

اس حوالے سے پوچھے گئے سوال پر بالی ووڈ اداکار اور رنبیر کپور کے انکل رندھیر کپور کا کہنا تھا کہ وہ شہر میں تو نہیں ہیں لیکن انہیں معلوم ہوا ہے کہ رنبیر کی طبیعت ناساز ہے رندھیر کپور کے اس بیان کے بعد سے ہی یہ قیاس کیا جارہا تھا کہ رنبیر کپور بھی کورونا وائرس کا شکار ہوگئے ہیں۔

تاہم اب رنبیر کپور کی والدی نیتو کپور نے اپنی سوشل میڈیا پوسٹ کے ذریعے اس بات کی تصدیق کر دی ہے کہ اداکار کورونا میں مبتلا ہو گئے ہیں-

انسٹاگرام پر جاری پوسٹ میں نیتو کپور نے کہا کہ رنبیر کے حوالے سے تشویش اور نیک تمناؤں کا اظہار کرنے والوں کی شکرگزار ہوں۔

انہوں نے بتایا کہ رنبیر کپور کی کورونا ٹیسٹ رپورٹ مثبت آئی ہے، اب اُن کی حالت بہتر ہے اور دواؤں کا استعمال کررہے ہیں۔

نیتو کپور نے یہ بھی لکھا کہ رنبیر گھر میں ہی قرنطینہ ہیں اور احتیاطی تدابیر پر عمل کررہے ہیں۔

واضح رہے کہ متعدد بالی وڈ اداکار کورونا کا شکار ہوچکے ہیں اور اب متعدد نے کورونا کی ویکسین بھی لگوالی ہے۔

ہیما مالنی سمیت متعدد بھارتی فنکاروں نے کورونا ویکسین لگوالی