رینجرز کے جوان ناردرن بائی پاس پر گڑھا پر کرنے میں مصروف ، شہریوں کی طرف سے خراج تحسین

کراچی: پاکستان کے سیکورٹی ادارے ملک و قوم کی حفاظت کے ساتھ ساتھ مشکل اوقات میں خدمات دینے کو بھی اپنا فرض منصبی سمجھتے ہیں . اس کی مثال کراچی میں‌ناردرن بائی پاس پر دیکھنے کو ملی . دو روز کی بارش نے کئی علاقوں میں تباہی مچادی۔ پاکستان رینجرز کے جوان ناردرن بائی پاس پر گڑھا پر کرنے میں مصروف ہیں۔

ذرائع کے مطابق کراچی میں ہونے والی بارش سے ناردرن بائی پاس پر بہت بڑاگڑھا پڑگیا۔ ناردرن بائی پاس پر گڑھا پڑ جانے سے ٹریفک کی روانی میں خلل پیدا ہوگیا۔

ناردرن بائی پاس روڈ پر پڑجانے جانے والے اس گڑھے کو پر کرنے کیلئے سندھ رینجرز کے جوان امدادی کارروائیوں میں مصروف ہیں. دوسری طرف شہری اپنے ان جانثاروں کی دن رات کی خدمت اور محنت پر سلام پیش کررہے ہیں اور سوشل میڈیا پر ان کے اس اقدام کو بہت سراہا جارہا ہے.