رنویر سنگھ نے بالی ووڈ میں ڈیبیو کیلئے 20 کروڑ دیئے ،کے آر کے کا انکشاف

بھارتی فلموں کےناقد کمال راشد خان المعروف کے آر کے نے انکشاف کیا ہے کہ رنویر سنگھ نے بالی ووڈ میں ڈیبیو کیلئے 20 کروڑ روپے دیئے تھے۔

باغی ٹی وی : بھارت کے فلمی ناقد کمال راشد خان (کے آر کے) بیانات اور دیگر اداکاروں سے متعلق متنازعہ ٹوئٹس کی وجہ سے خبروں میں رہتے ہیں، حالانکہ اپنے بیانات کی وجہ سے انہیں متعدد بار مشکلات کا سامنا کرنا پڑا ہے-

انوشکا شرما کا ویرات کوہلی سے معنی خیز انداز میں شکوہ

کے آر کے نے اپنے یوٹیوب چینل پر یش راج بینرز کی فلم ’بنٹی اور ببلی ٹو‘ کے اسکرپٹ پر تنقید کی جس میں ہدایت کار ادتیہ چوپڑا کی اہلیہ رانی مکھرجی اور چھوٹے نواب سیف علی خان نے اداکاری کے جوہر دکھائے ہیں جب کہ فلم کے ذریعے اداکارہ شروری کو لانچ کیا گیا اور سدھانت چترویدی کو بھی لیڈ رول میں لیا گیا۔

سلمان خان کی شادی نہ کرنے کی وجہ کیا ہے؟ بہنوئی آیوش شرما کا حیران کن انکشاف

کے آر کے نے اپنے بیان میں کہا کہ ادتیہ چوپڑا نے جب جب کسی کو لانچ کیا، اس کا آغاز ایسے ہی بدترین ہوا ہے لیکن اکثر لوگ کہتے ہیں کہ انہوں نے تو رنویر سنگھ کو بھی لانچ کیا جو ایک کامیاب اداکار ہیں، تو اس پر میں رنویر کے چاہنے والوں کو بتانا چاہوں گا کہ رنویر سنگھ کو ادتیہ نے نہیں تلاش کیا بلکہ خود رنویر کے والد نے ادتیہ کو 20 کروڑ روپے دیئے تاکہ وہ ان کو بالی ووڈ میں موقع دیں۔

وکی اور کترینہ کی شادی کی خبریں محض افواہیں ہیں، ان میں کوئی سچائی نہیں، کزن

واضح رہے کہ رنویر سنگھ کا بالی ووڈ کے کامیاب ترین اداکاروں میں ہوتا ہے رنویر سنگھ نے بالی ووڈ میں اپنا آغاز یش راج فلمز ’’بینڈ باجا بارات‘‘ سے کیا جس میں ان کے مدمقابل اداکارہ انوشکا شرما نے مرکزی کردار ادا کیا تھا جس پر رنویر سنگھ کو فلم فیئر ایوارڈ بھی دیا گیا تھا۔

اس کے علاوہ رنویر سنگھ متعدد ایوارڈز اپنے نام کرچکے ہیں جب کہ ان کی کامیاب ترین فلموں میں پدماوت، باجی راؤ مستانی، رام لیلا، گلی بوائے اور سمبا شامل ہیں اداکار نے گزشتہ سال ہی نامور اداکارہ دپیکا پڈوکون سے شادی کی تھی-

ثروت گیلانی نے ” چڑیلز” کا دوسرا سیزن بنائے جانے کی تصدیق کر دی

واضح رہے کہ کے آر کے بیانات اور دیگر اداکاروں سے متعلق متنازعہ ٹوئٹس کی وجہ سے خبروں میں رہتے ہیں، حالانکہ اپنے بیانات کی وجہ سے انہیں متعدد بار مشکلات کا سامنا کرنا پڑا ہے لیکن اس کے باوجود وہ باز نہیں آتے کچھ ماہ پہلے انہوں نے بالی ووڈ اداکار سلمان خان کو ان کی فلم ’رادھے، یور موسٹ وانٹیڈ بھائی‘‘ پر خوب تنقید کا نشانہ بنایا تھا۔

سلمان خان نے بالی ووڈ ناقد کے آر کے کی جانب سے لگائے گئے الزامات کو عدالت میں چیلنج کرتے ہوئے ان پر ہتک عزت کا دعویٰ دائر کردیا جس پر انہوں نے فوراً پینترا بدلتے ہوئے کہا کہ میں نے تو صرف سلمان خان کی فلم پر تنقید کی تھی لیکن آج کے بعد سلمان خان کی کسی فلم پر تنقید نہیں کروں گا۔