اوکاڑہ ـ دیہاتیوں اور ڈاکوؤں میں کراس فائرنگ میں ریپ اور ڈکیتی کا مجرم ہلاک

اوکاڑہ صالحووال میں ہونے والی ڈکیتی اور ریپ کا مرکزی ملزم پولیس مقابلے کے دوران ہلاک ہوگیا

تھانہ صدر دیپالپور کی حدود فخر ٹاون میں پولیس /دیہاتیوں اور ڈاکوؤں میں کراس فائرنگ ہوئی جس کے نتیجہ میں ایک ڈاکو مارا گیا

پکار 15 پر کال موصول ہوئی کہ آٹھ کی تعداد میں ڈاکو آبادی فخر ٹاون میں داخل ہو گئے اس کے ساتھ ہی اہل دیہہ نے مساجد میں اعلان کر تے ہوئے ڈاکوؤں کو گھیر لیا پولیس بھی موقع پر آ گئی
کراس فائرنگ کے دوران ایک نامعلوم ڈاکو ہلاک ہو گیا.جس کے نام اور پتہ کی تصدیق کا عمل جاری تھا کہ ڈکیتی اور خاتون سے زیادتی کے مدعی مقدمہ خالد نے اور دوسری ڈکیتی کے مدعی سلیم نے ہلاک ملزم کو پہچان لیا
پولیس کی بھاری نفری نے علاقے کو گھیرے میں لے لیا جبکہ فرار ہونے ملزمان کی تلاش جاری ہے