راولپنڈی گورنمنٹ گورڈن کالج کے طلباء اور اساتذہ کا نجکاری کیخلاف احتجاج.
گورنمنٹ گورڈن کالج کے طلباء اور اساتذہ نے نجکاری کے خلاف مری روڈ پر احتجاجی مظاہرہ کیا، مظاہرین نے ٹریفک بند کرکے ڈائریکٹر کالجز دفتر کے سامنے دھرنا دے دیا۔ گورنمنٹ گورڈن کالج کے طلباء کالج نجکاری کے خلاف گزشتہ ایک ماہ سے احتجاج کر رہے ہیں اور آج بھی طلباء نے کلاسوں کا بائیکاٹ کرکے مری روڈ پر احتجاجی مظاہرہ کیا۔
مظاہرین نے مری روڈ کو کمیٹی چوک سے گزشتہ کئی گھنٹوں سے بند کر رکھا ہے، احتجاجی مظاہرے میں پروفیسر بھی شریک ہیں۔ سٹی ٹریفک پولیس نے اسلام آباد جانے والی گاڑیوں کو متبادل راستہ فراہم کیا ہے لیکن اندرون شہر ٹریفک کا نظام درہم برہم ہوچکا ہے۔ ڈائریکٹر راولپنڈی کالجز شیر احمد ستی کا کہنا تھا کہ حکومت کی جانب سے گورڈن کالج کی نجکاری یا کسی مشن کے حوالے کرنے کا کوئی نوٹیفکیشن نہیں آیا، طلباء قیادت سے آج کوئی مذاکرات نہیں ہوئے لیکن دو روز پہلے ہوئے تھے، سیکریٹری ایجوکیشن پنجاب نے یہاں آنا تھا مگر نہیں آئے۔
مزید یہ بھی پڑھیں
حرا کلچرل کالونی: مکہ مکرمہ آنے والوں کے لیے ایک نیا تجربہ
ملتان ٹیسٹ؛ ہدف کے تعاقب میں پاکستان کی بیٹنگ جاری
فیفا ورلڈ کپ؛ ارجنٹائن اور کروشیا کی ٹیمیں سیمی فائنل میں کل آمنے سامنے ہوں گی
روزگار کی تلاش میں بیرون ملک جانیوالے پاکستانیوں میں 3 گنا اضافہ
’’ٹک ٹاک‘‘ پر بہادری دکھانے کا انجام، مصری لڑکا معذور ہو گیا
روزگار کی تلاش میں بیرون ملک جانیوالے پاکستانیوں میں 3 گنا اضافہ
انہوں نے کہا کہ دو روز قبل طلباء کو واضح کیا تھا کہ پیر کو کالج ہینڈ اوور نہیں ہو رہا لیکن آج یہ کسی کی ایماء پر احتجاج کر رہے ہیں، اگر کیبنٹ ڈویژن کے فیصلے کی بات کرتے ہیں تو ابھی تک تو ڈراف ہی تیار نہیں ہوا، ابھی ڈراف تیار ہوگا جس میں کئی سال لگ سکتے ہیں۔
