واشنگٹن (اے پی پی) امریکہ کے صدر ڈونلڈ ٹرمپ نے کہا ہے کہ امریکہ میں نفرت کی کوئی جگہ نہیں ہے.
امریکی صدر ڈونلڈ ٹرمپ ٹیکساس کے شاپنگ مال وال مارٹ اور اوہائیو میں فائرنگ کے دو واقعات میں 29 افراد کی ہلاکت کے بعد امریکی قوم سے خطاب کریں گے۔ واقعات پر امریکا بھر میں سوگ منایا جارہا ہے جبکہ صدر ٹرمپ پر تنقید شروع ہوگئی ہے جس کا ذمہ دار ان کی بیان بازی قرار دی جارہی ہے۔ تجزیہ نگاروں کے مطابق امریکی صدر قوم کو اعتماد میں لینے کی کوشش کریں گے ۔ صدر ٹرمپ نے واقعات کے بعد کہا ہے کہ ہمارے ملک میں نفرت کی کوئی جگہ نہیں۔ انہوں نے کہا کہ یہ حملہ بیمار ذہن کے لوگوں نے کیا ہے۔ پولیس نے ایسے کسی معاملہ کی تصدیق نہیں کی ہے۔
واضح رہے کہ گزشتہ روز ٹیکساس کے شاپنگ مال میں فائرنگ کے واقعات پیش آئے تھے جس پر اب ٹرمپ نے بیان دیا ہے.