ری نیو کروائے جانے والے ڈرائیونگ لائسنس نا مل سکے،ویب سائٹ بھی بند

قصور
ڈرائیونگ لائسنس ہولڈرز کی طرف سے ری نیو کروائے جانے کے باوجود لائسنس نا مل سکے،ای لائسنس جاری کرنے والی ایپ بھی غیر فعال،شہری پریشان

تفصیلات کے مطابق قصور میں ڈرائیونگ لائسنس ہولڈرز کی طرف سے اپنے لائسنس ری نیو کروائے جانے کے باوجود ایک ماہ سے زیادہ عرصہ گزرنے پہ بھی لائسنس نا ملنے کی شکایت کی گئی ہے
ڈرائیونگ لائسنس برانچ کی جانب سے شہریوں کو لائسنس ری نیو کروائے جانے پہ کہا جاتا ہے کہ ایک ماہ تک آپ کے گھر والے ایڈریس پہ بزریعہ ڈاک لائسنس پہنچ جائے گا جس کے 180 روپیہ الگ سے وصول کئے جاتے ہیں تاہم بیشتر شہریوں کی طرف سے بتایا گیا کہ ڈیڑھ ماہ سے زیادہ عرصہ ہو گیا ڈرائیونگ لائسنس ری نیو کروائے، تاہم ابھی تک نا تو ڈرائیونگ لائسنس ملا اور نا ہی پنجاب گورنمنٹ کی جاری کردہ ای لائسنس دینے والی ایپ اوپن ہو رہی ہے
شہریوں نے متعدد بار DLIMS نامی ایپ کھولی تاکہ اپنا لائسنس پرنٹ نکال کر سیو کر لیں اور بوقت ضرورت دکھایا جا سکے مگر بے سود
شہریوں نے لائسنس پرنٹ کرنے والی انتظامیہ سے استدعا کی ہے کہ جلد سے جلد ہمارے پرنٹ شدہ ری نیو ڈرائیونگ لائسنس ہمیں ہمارے گھروں میں بذریعہ ڈاک بھجوائے جائیں