9 مئی کے واقعات نے پوری قوم کو جھنجھوڑ کر رکھ دیا ہے، پی ٹی آئی کے سپورٹرز نے کینٹونمنٹ کے ایریاز میں داخل ہو کر خوب توڑ پھوڑ کی اور پاکستان آرمی ک خلاف نعرے بازی کی ، اس سب کے لئے ان کے قائد عمران خان نے ان کو متحرک کیا کہ اگر میں گرفتار ہوا تو آپ نے یہ سب کرنا ہے تاکہ پاکستان آرمی پر پریشر بڑھایا جا سکے، یہ چال عمران خان کی الٹی پڑ گئی اور قوم عمران خان کی اس حرکت کے بعد یکسر اسکے خلاف ہو گئی. جناح ہائوس جس کو بری طرح سے توڑا پھوڑا گیا، وہاں مختلف شخصیات جا کر نہ صرف نو مئی کے واقعہ کی مذمت کررہی ہیں بلکہ پاک فوج کے ساتھ اظہار یکجہتی بھی کررہی ہیں. حال ہی میں پی ٹی آئی کو چھوڑ دینے والی فردوس عاشق اعوان اور ریشم نے وہاں حاضری دی اور پاکستان اور پاک فوج زندہ باد کے نعرے لگائے. ریشم نے
کہا کہ میں 9 مئی کے واقعات کی شدید مذمت کرتی ہوں، ،پاک فوج ہمارا فخر ہے، ،دہشت گردی کی جنگ میں ہماری فوج نے بڑی قربانیاں دی ہیں، ،کوئی محب وطن پاکستانی کیسے اپنی ملکی فوجی تنصیبات کو نقصان پہنچا سکتا ہے،،جو لوگ اس میں ملوث ہیں ان کو سزا ملنی چاہیے، ،ان شدت پسند رویوں کا خاتمہ ہونا چاہیے. ہم اپنی فوج کے ساتھ ہیں. پاک فوج کو سلام، ،ان شہیدوں کو سلام، ،جن کی قربانیوں کی وجہ سے آج ہم زندہ ہیں. فردوس عاشق اعوان نے بھی نو مئی کے واقعات کی شدید الفاظ میں مذمت کی اور پاکستان زندہ باد، پاک فوج زندہ باد کے نعرے لگائے.
