ریشم شادی کب کررہی ہیں؟‌

اداکارہ ریشم جنہوں نے نوے کی دہائی میں ٹی وی کے بعد فلموں میں اپنی صلاحیتوں کا لواہا منوایا، ان کی پہلی ہی فلم جیوا سے انہوں نے ثابت کر دیا ہے کہ ریشم میں وہ بات ہے جو کسی بھی ہیروئین میں ہونی چاہیے . ریشم مسلسل اپنے مداحوں کو اپنے ٹیلنٹ سے محظو‌ظ کررہی ہیں. ریشم نے اپنے حالیہ انٹرویو میں‌کہا ہے کہ مجھ سے اکثر لوگ پوچھتے ہیں کہ میں شادی کب کررہی ہوں ، تو میں ان سے کہنا چاہتی ہوں کہ جب میں نے شادی کرنی ہو گی میں سب کو بتا دوں گی اور بتا کر ہی شادی کروں گی، بے فکر رہیں. ریشم نے کہا کہ شادی بیاہ کے فیصلے اللہ کے

فیصلے ہوتے ہیں جب ہونی ہو ہوجاتی ہے. انہوں نے کہا کہ انسان کو ہمیشہ مثبت رہنا چاہیے ، اور کسی کی برائی نہیں کرنی چاہیے ، لیکن مجھے بہت افسوس ہوتا ہے کہ ہمارے ہاں شوبز انڈسٹری میں چند ایسے لوگ ہیں جو دوسروں کی برائیاں کرتے رہتے ہیں اور ٹی وی پر بیٹھ کر وہ ایسا کررہے ہوتے ہیں ، بھئی جو کہنا ہے کسی کو اس منہ پہ کہو اس کی عدم موجودگی میں‌ایسا کرنے کی کیا ضرورت ہے. ریشم نے کہا کہ ہر کسی کو اپنا آپ دیکھنا چاہیے کہ وہ کیا کررہا ہے صرف دوسروں کو ڈی گریڈ کرنے کےلئے انکی برائی کرنا مناسب نہیں ہے، ایسی باتوں سے اجتناب کیاجانا چاہیے.