سعودی عرب :معروف ریستوران میں کھانا کھانے سے1 شخص ہلاک،درجنوں کی حالت غیر

ریاض: سعودی عرب کے ایک فاسٹ فوڈ ریستوران میں کھانا کھانے کے بعد درجنوں افراد کی طبیعت بگڑ گئی –

باغی ٹی وی: سعودی میڈیا کے مطابق دارالحکومت ریاض کے ایک معروف عالمی شہرت یافتہ فاسٹ فوڈ چین کے ریسٹورنٹ میں کھانا کھانے کے بعد 69 سعودی اور 10 سے زائدغیر ملکی شہریوں کو کو اسپتال میں داخل کرنا پڑازہر خوانی سے ایک شخص کی دوران علاج موت واقع ہوگئی جب کہ 45 کے قریب کو طبی امداد کے بعد گھر جانے کی اجازت دے دی گئی، 7 افراد کی حالت تشویشناک ہونے کے باعث انھیں انتہائی نگہداشت کے وارڈ میں رکھا گیا ہے۔

آسٹریلیا پولیس نے چاقو سے حملہ کرنیوالے نوجوان لڑکے کو گولی مار دی

سعودی وزارتِ صحت نے تصدیق کہ لوگوں کی یہ حالت کھانے میں بیکٹیریم کلوسٹریڈیم بوٹولینم کی موجودگی سے ہوئی جو اعصابی نظام پر حملہ کرتا ہے اور اکثر افراد کا دم گھٹ جاتا ہے،سعودی دارالحکومت ریاض کے محکمہ بلدیہ کی جانب سے جاری بیان میں کہا گیا ہے کہ یہ کیسز گزشتہ ایک ہفتے میں سامنے آئے ہیں اور ان سب نے ایک ہی فوڈ چین سے برگر کھایا تھا،جس پر اس فوڈ چین کی تمام شاخوں اور فوڈ پروسیسنگ یونٹس کو بند کردیا گیا ہے اور وہاں موجود کھانے کی تمام مصنوعات کو تلف کرنے کا حکم دیا گیا ہے جب کہ میونسپل اہلکار ان ریسٹورینٹس، اوزاروں اور مشینری کی صفائی اور جراثیم کش عمل کی نگرانی کریں گے۔

اسرائیل میں قطری ٹی وی چینل الجزیرہ کی نشریات معطل کردی گئیں