حاجیوں کو وطن واپسی پر شاندار سہولیت دیدی گئی

مکہ (اے پی پی) حاجیوں کو وطن واپسی پرآن لائن امیگریشن کی نئی سہولت دیدی گئی.

تفصیلات کے مطابق سعودی عرب نے فریضہ حج کی سعادت حاصل کرنے کے بعد وطن واپس جانیوالے حجاج کرام کو سفر میں نئی سہولت پیش کی ہے۔ حج کرکے واپس جانے والے حاجیوں کو اپنی قیام گاہ ہی سے آن لائن امیگریشن کروانے کی اجازت دے دی گئی ہے۔ اس سہولت کا آغاز انڈونیشیا، اورملائیشیا سے کیا جا رہا ہے۔ آئندہ برسوں میں دیگر ممالک کے حجاج کو بھی یہ سہولت مہیا ہو گی. محکمہ شہری ہوابازی نے نئی سہولت کو ”ایاب“کا نام دیا ہے۔ جس کی بدولت حاجی حضرات ائیرپورٹ جانے سے قبل ہی سامان ہوائی اڈے بھجوا سکیں گے، سامان کی چیکنگ کرا سکیں گے، بورڈنگ پاس حاصل کرسکیں گے اور ہوائی اڈے جانے سے قبل ہی اپنی واپسی کا اندراج آن لائن کرا سکیں گے۔