اسلام آباد: پٹرولیم مصنوعات کی قیمتوں میں اضافہ:سمری بجھوا دی گئی ،اطلاعات کے مطابق عالمی مارکیٹ میں پٹرولیم مصنوعات کی مسلسل بڑھتی ہوئی قیمتوں نے بڑی بڑی حکومتوں کوبڑے بڑے سخت فیصلے کرنے پرمجبورکردیا ، پاکستان بھی ان میں سے ایک ہے
ادھر اطلاعات ہیں کہ پاکستان میں پھرسے پٹرولیم مصنوعات کی قیمتوں کے تعین اوراس میں اضافے کے حوالے سے سمری بھیج دی گئی ہے
اس حوالے سے کہا جارہا ہے کہ لیوی میں ردو بدل نرخوں میں مزید تبدیلی کا باعث ہو سکتا ہے،قیمتوں میں اضافے کی سمری موجودہ پیٹرولیم لیوی کے مطابق تیار کی گئی ، یہ بھی کہا جارہا ہے کہ پیٹرولیم مصنوعات کی نئی قیمتوں پر عمل 16 اگست سے ہوگا
حتمی فیصلہ وزیراعظم کی مشاورت کے بعد وزارت خزانہ کرے گی
باغی ٹی وی کو موصول ہونے والی ممکنہ قیمتوں کے مطابق مٹی کے تیل کے نرخ بھی ایک روپیہ فی لیٹر بڑھانے کی تجویز دی گئی ہے جبکہ لائٹ ڈیزل آئل کے نرخوں میں ایک روپیہ فی لیٹر اضافے کا امکان ہے
اطلاعات کے مطابق پیٹرول کے نرخوں میں50 پیسے فی لیٹر اضافے کی سفارش کی گئی ہے جبکہ ہائی ا سپیڈ ڈیزل کی قیمت میں 2 روپے 50 پیسے فی لٹر اضافے کی تجویززیرغور ہے
تجاویز پیٹرولیم ڈویژن نے ارسال کیں گئی ہیں جبکہ دوسری طرف وزارت خزانہ کو پیٹرولیم مصنوعات کی قیمتوں میں اضافے کی تجاویزموصول ہوچکی ہیںلیکن حتمی فیصلہ وزیراعظم ہی کریں گے
