لاہور میں ڈاکوؤں کی فائرنگ سے ڈولفن اسکواڈ کا اہلکار جاں بحق

0
19

لاہور: صوبائی دارالحکومت کے علاقے باغنپورہ محمودبوٹی روڈپر ڈاکوؤں کی فائرنگ سے ڈولفن فورس کا اہلکار جاں بحق ہوگیا۔تفصیلات کے مطابق پولیس کا کہنا ہے کہ ڈولفن اہلکاروں نےموٹرسائیکل سوار افراد کوچیکنگ کیلئےروکا تو ڈاکوؤں نے فائرنگ کردی جس سے ایک گولی اہلکار محسن کے سر میں لگی جس سے وہ موقع پر ہی دم توڑ گیا۔

پولیس کا کہنا ہے کہ ڈاکواپنی موٹرسائیکل جائےوقوع پرچھوڑکر قریبی گلیوں میں فرارہوئے جن کا تعاقب بھی کیا گیا تاہم وہ فرار ہونے میں کامیاب ہوگئے، ڈاکوؤں کے زیر استعمال موٹر سائیکل سیالکوٹ نمبر کی ہے جو گزشتہ روز چھینی گئی تھی۔

پولیس کے مطابق ڈولفن ٹیم362میں2موٹر سائیکلوں پر4اہلکارسوارتھے جب کہ دیگر3اہلکاروں کے بیانات تھانہ باغبانپورہ میں ریکارڈکئےجارہےہیں، محسن کی میت کومیواسپتال کےسرد خانےمنتقل کردیاگیاا اور جائےوقوع سےمزیدشواہداکھٹےکئےجارہےہیں۔

دوسری جانب وزیراعلیٰ پنجاب عثمان بزدارنے واقعےسے متعلق سی سی پی اوسے روپورٹ طلب کر لی ہے،وزیراعلیٰ پنجاب نے شہیداہلکارکے خاندان سےہمدردی اوراظہارتعزیت کرتے ہوئے کہا ہے کہ فرض کی ادائیگی کیلئےجان دینےوالےبہادرکوسلام پیش کرتےہیں، ملزمان کو جلد گرفتار کرکےقانون کی گرفت میں لایاجائے گا۔

Leave a reply