روسی حملے کے بعد یورپ کے سب سے بڑے نیو کلیئر پاور پلانٹ میں آگ لگ گئی

یوکرین کے زیپروزیا نیوکلیئر پاور پلانٹ پر روسی فوجی دستوں نے قبضہ کر لیا،خبر رساں ادارے کے مطابق روس نے جوہری پلانٹ پر قبضہ کر لیا ہے

روسی حملے کے بعد یورپ کے سب سے بڑے نیو کلیئر پاور پلانٹ میں آگ لگ گئی ،غیر ملکی خبر رساں ایجنسی کے مطابق یوکرین کے نیوکلیئر پاور پلانٹ میں آگ لگ گئی جو یورپ کا سب سے بڑا نیو کلیئر پاور پلانٹ ہے روسی حملے کے بعد زیپوریزیا نیوکلیئر پاور پلانٹ میں آگ لگی آتشزدگی سے نیوکلیئر پاور پلانٹ میں ریڈی ایشن کا لیول بڑھ گیا اوراگر پاور پلانٹ پھٹ گیا تو چرنوبل سے 10 گنا بڑا واقعہ ہو سکتا ہے

اینرگودر کے میئر دمتری اورلوف نے بھی آگ لگنے کی تصدیق کی ہے میئر نے کہا یورپ کے سب سے بڑے نیوکلیئر پاور پلانٹ کی عمارتوں اور بلاکس پر دشمن کی بھاری گولہ باری کے نتیجے میں زاپوریزیا نیوکلیئر پاور پلانٹ میں آگ لگ گئی ہے انہوں نے اسے عالمی سلامتی کے لیے خطرہ قرار دیتے ہوئے کہا کہ میں اسے فوری طور پر روکنے کا مطالبہ کرتا ہوں۔ زاپوریزیاپاور پلانٹ پر گولہ باری بند کرو

یوکرینی صدر زیلنسکی کا کہنا ہے کہ سب سے بڑے جوہری پلانٹ میں آگ لگ گئی ،روس کی جانب سے جاری ایکٹر پر ٹینکوں سے فائر جاری ہے زیپروزیا میں پگھلاؤ کے نتائج کہیں زیادہ بدتر ہوں گے، روسی افواج یوکرین میں جوہری پلانٹ پر حملہ کر رہی ہیں، روسی کہتے آئے ہیں کہ وہ دنیا کو جوہری راکھ تلے دبا دیں گے، اب یہ ایک وارننگ نہیں ہے بلکہ حقیقت ہے، روس کے علاوہ کسی اورنے کبھی جوہری توانائی یونٹ کونشانہ نہیں بنایا،

امریکی وزیر توانائی جینیفر کا کہنا ہے کہ امریکہ نیوکلیئر رسپانس ٹیم کو فعال کر رہا ہے، یوکرین کے وزیر توانائی سے زیپروزیا پلانٹ سے متعلق بات کی ہے ، یوکرین کے وزیر خارجہ کا کہنا ہے کہ جوہری پلانٹ میں دھماکا ہوا تو چرنوبل سے 10 گنا زیادہ تباہی ہو گی، روس فوری طور پر سیز فائر کرے اور فائر فائٹرز کو سکیورٹی زون قائم کرنے دے

کینیڈین وزیر اعظم جسٹن ٹروڈو نے جوہری پلانٹ پر حملے فوری طور پر بند کرنے کا مطالبہ کیا ہے کینیڈین وزیر اعظم جسٹن ٹروڈو نے جوہری پلانٹ پر حملے کے بعد یوکرین کے صدر سے رابطہ کیا ہے

دوسری جانب جوہری پلانٹ پر حملے کے بعد ایشیا کی سٹاک مارکیٹوں میں مندی، تیل کی قیمتیں بڑھ گئی ہیں

ایٹمی توانائی کے عالمی ادارے نے ملٹری فورسز پرزوردیا ہے کہ وہ یوکرین کے ایٹمی بجلی گھر کے قریب پُرتشدد کارروائیوں سے گریزکریں ایٹمی توانائی کے عالمی ادارے کے ڈائریکٹرجنرل نے ایک بیان میں کہا کہ متعلقہ ایٹمی بجلی گھر کے قریب نازک صورتحال کے پیش نظر کوئی بھی فوجی کارروائی شدید نقصان کاباعث ہوسکتی ہے

یوکرینی صدر کا کہنا تھا کہ روس کے ساتھ بات چیت کرنے کو تیار ہیں ایک انٹرویو میں یوکرینی صدر نے کہا کہ روسی صدر ولادیمیر پیوٹن کے ساتھ کھلی بات چیت کرنے کے لیے تیار ہیں اور دنیا کو بھی بات کرنا ہو گی کیونکہ اس جنگ کو روکنے کا کوئی اور راستہ نہیں ہے روس، یوکرین کے ساتھ مساوی سلوک اور نیک نیتی کے ساتھ مذاکرات کرے کیونکہ اسی بنا پر ہی یوکرین اور روس جنگ سے نکل سکتے ہیں کچھ ایسی چیزیں ہیں جن میں سمجھوتہ کرنا ضروری ہے تاکہ لوگ مر نہ جائیں لیکن کچھ چیزیں ایسی ہیں جن میں کوئی سمجھوتہ نہیں ہو سکتا ہے۔ اگر یوکرین نہیں رہا تو وہ لٹویا آئیں گے۔ لٹویا کے بعد وہ لیتھونیا، اسٹونیا، مالڈووا اور جارجیا کی جانب آئیں گے اور روس پھر پولینڈ اور دیوار برلن کی طرف بڑھیں گے، میرا یقین کریں

دوسری جانب یوکرین پر حملے کے بعد امریکا کا روس پر پابندیوں کا سلسلہ جاری ہے، اب امریکہ نے روس کی امیر ترین شخصیات پر نئی پابندیاں عائد کر دی ہیں، وائٹ ہاوس کا کہنا ہے کہ امریکہ دنیا بھر میں نقل مکانی کرنے والے روسی امیر ترین افراد کو ڈھونڈے گا،امریکی حکومت روس کے امیر ترین افراد کے اثاثے منجمد کر ے گی، جس میں کشتیاں، اپارٹمنٹس اور غیر قانونی دولت کو قانون کے دائرے میں لایا جائے گا وائٹ ہاوس کے مطابق پابندیوں میں روسی صدر کے ترجمان بھی شامل ہیں

قبل ازیں سعودی ولی عہد کا روسی صدر پیوٹن اور یوکرینی صدر زیلنسکی کے ساتھ ٹیلیفونک رابطہ ہوا ہے، جس میں سعودی ولی عہد شہزادہ محمد بن سلمان نے ماسکو اور کیف میں ثالثی کی پیشکش کردی ہے سعودی ولی عہد کا کہنا تھا کہ فریقین کے درمیان ثالثی کی کوشش کرنے کے لیے تیار ہیں، یوکرینی سیاحوں اور رہائشیوں کے ویزوں میں مزید 3 ماہ کی توسیع کریں گے سعودی میڈیا کے مطابق روسی صدر ولادی میر پیوٹن نے سعودی ولی عہد کو فون کیا تھا، کریملن کا کہنا ہے کہ دونوں رہنماؤں نے توانائی سے متعلق امور پر تبادلہ خیال کیا تھا

پاکستان نے یوکرین کے خلاف روس کے فوجی آپریشن سے پیدا ہونے والے تنازع میں تحمل اور غیر متناسب اقدامات سے گریز کرنے پر زور دیا ہے اورایک ہفتے سے جاری روس یوکرین بحران کو سفارتی ذرائع سے حل کرنے میں ناکامی پر گہری تشویش کا اظہار کیا ہے جنیوا میں اقوام متحدہ دفتر میں پاکستان کے مستقل نمائندہ ، پاکستانی سفیر خلیل ہاشمی نے گزشتہ روز اقوام متحدہ کی انسانی حقوق کونسل کے فوری سیشن میں مندوبین کو بتایا کہ ہمیں روس یوکرین بحران کے حل کے سلسلے میں سفارتکاری اور انسانی حقوق کے تحفظ میں ناکامی اور تنازعات سے پیدا ہونے والے انسانی اثرات پر گہری تشویش ہے

یوکرین حملے کے بعد برطانیہ اور امریکا کا روس پر پابندیوں کا سلسلہ جاری ہے وہیں روس بھی مقابلہ کرتے ہوئے پابندیاں عائد کر رہا ہے، اب روس نے برطانوی نشریاتی ادارے بی بی سی پر پابندی عائد کردی ہے روس نے میڈوزا اور ریڈیو لبرٹی خبر رساں ادارے بھی بلاک کردئیے ہیں

روسی وزارت خارجہ کا کہنا ہے کہ بی بی سی کو امن خراب کرنے کے لیے استعمال کیا جا رہا ہے برطانیہ سمیت غیر ملکی میڈیا دنیا کے سامنے جزوی نظریہ پیش کر رہا ہے لیکن مغربی حکومتیں اس دعوے کو مسترد کر رہی ہیں اور روسی سرکاری میڈیا پر تعصب کا الزام لگا رہی ہیں

دوسری جانب امریکین کمپنی ائیر بی این بی نے روس اور بیلاروس میں آپریشنز معطل کر دئیے ہیں، ائیر بی این بی کی جانب سے کہا گیا ہے کہ روس اور بیلاروس میں آپریشنز روک رہے ہیں، پابندی امریکہ اور مغربی ممالک کی روسی معیشیت پر لگائی گئی پابندیوں کا تسلسل ہے

ممکن ہے آپ مجھے آخری بار زندہ دیکھ رہے ہوں،ہم آگ میں جھونکنے والا امریکہ مدد کو نہ آیا:یوکرینی صدرکا ویڈیو پیغام

امریکی صدر جوبائیڈن کا ہنگامی فیصلہ:یوکرین کوفوجی کمک دینے کےلیے 350 ملین ڈالرامداد کا اعلان

یورپ روس سے جنگ کرنے کےلیےتیار:سخت اقدامات،حالات تیسری عالمی جنگ کی طرف گامزن

روسی صدر پیوٹن نے یوکرین میں فوجی آپریشن کا حکم دے دیا-

:یوکرائن میں ایمرجنسی نافذ:سائرن بج گئے:شہریوں کو روس چھوڑنے کا حکم

برطانیہ آسٹریلیا اور جاپان نے روس پر پابندیاں عائد کرنے کا آغاز کردیا ہ

پوتن کوملک سے باہر روسی فوج کی تعیناتی:نیٹو کے جنگی طیارے سائرن بجانےلگے:پابندیاں بھی لگ گئیں‌

:روس جنگ کےلیے تیار:ولادی میرپوتن نے ملک سے باہر فوج استعمال کرنے کیلیے قانونی رائے مانگ لی

یوکرینی وزیردفاع کا فوجیوں کو روس سے جنگ کیلئے تیار رہنےکا حکم،

پانچ روسی طیارے، ایک ہیلی کاپٹر گرا دیا، یوکرینی وزارت دفاع کا دعویٰ

کون ہے جو ہمارا ساتھ دے؟ یوکرینی صدر کی دہائی

روس نے یوکرین کو بات چیت کی مشروط پیشکش کردی