روزہ مرہ زندگی میں علم ریاضیات کی اہمیت پر خصوصی سیمینار

0
107

اوکاڑہ یونیورسٹی کے شعبہ ریاضیات نے روزہ مرہ زندگی میں علم ریاضیات کی اہمیت اور اس میدان میں ابھرتے ہوئے رجحانات کے موضوع پہ ایک
سیمینار کا انعقاد کیا گیا جس میں اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر، گورنمنٹ کالج یونیورسٹی لاہور کے شعبہ
ریاضیات کے سربراہ پروفیسر ڈاکٹر مجاہد عباس اور اوکاڑہ یونیورسٹی کے شعبہ ریاضیات کے سربراہ ڈاکٹر شعیب سلیم سمیت دیگر مقررین نے علم
ریاضیات کی اہمیت کے مختلف پہلووں پہ روشنی ڈالی۔

سیمینار کے شرکاء سے خطاب کرتے ہوئے پروفیسر زکریا نے کہا کہ علم ریاضیات ان کے دل کے بہت قریب ہے۔ ان کا مزید کہنا تھا کہ یہ علم ہمیں دنیا
کو بہتر انداز میں سمجھنے میں مدد دیتا ہے اور ہمارے ذہن اور سوچ کو منظم کرتا ہے۔ پروفیسر مجاہد نے بتایا کہ علم ریاضیات منطقی ، تنقیدی اور تخلیقی سوچ کے علاوہ مسائل کے حل کی صلاحیت اور حتی کہ اظہار خیال کی مہارت بھی پیدا کرتا ہے۔

ڈاکٹر شعیب نے روز مرہ زندگی میں علم ریاضیات کی اہمیت اجاگر کرتے ہوئے کہا کہ اس علم سے منطقی سوچ اور رویے جنم لیتے ہیں۔ انہوں نے مزید
بتایا کہ علم ریاضیات ہمارے اندر تجزیاتی مہارت پیدا کرتا ہے جس سے ہم اپنی زندگی کے بہت سارے مسائل اور مشکلات احسن طریقے سے حل کر سکتے ہیں۔ سیمینار میں شعبہ ریاضیات کے طلباء نے پوسٹرز بھی پیش کیے جن میں علم ریاضیات کی اہمیت واضع کی گئی اور عظیم ماہرین ریاضیات اور طبعیات جیسا کہ البرٹ آئن سٹائن اور سٹیفن ہاکنگ کو خراج عقیدت پیش کیا گیا۔

Leave a reply