پاکستان کی معروف ٹک ٹاکر اور یوٹیوبرربیکا خان کو بالی وڈ کنگ شاہ رخ خان سے متعلق دیا گیا بیان مہنگا پڑگیا۔
ٹک ٹاکر ربیکا خان حال ہی میں پوڈکاسٹ میں بطور مہمان شریک ہوئیں جس دوران انہوں نے دعویٰ کیا کہ میرے والد اور کامیڈین کاشف خان بالی وڈ کنگ شاہ رخ کے ساتھ کام کرچکے ہیں حتیٰ کہ شاہ رخ خودمیرے والد سے ملنے آئے تھے ۔
اس پر میزبان نے ربیکا خان سےسوال کیا کہ ان کے والد نےکس پراجیکٹ میں شاہ رخ کے ساتھ کام کیا؟ جس پر ربیکا نے بتایا کہ میرے والد نے بھارت میں فلم پروموشن کیلئے شاہ رخ کے ساتھ کام کیا تھا لیکن مجھے اس پروجیکٹ کی تفصیل یاد نہیں-
ایران میں قتل کیے جانے والے پاکستانیوں کی فہرست جاری
ربیکا خان کا کہناتھا کہ میرے والد کی شاہ رخ کے ساتھ تصاویر بھی ہیں، شاہ رخ نے میرے والدہ کو بتایا تھا کہ ہم آپ کو فولو کرتے ہیں، آپ کو دیکھتے ہیں، کیا کمال کے ایکٹر ہیں آپ،ہم بھی بابا کی طرح کئی شخصیات سے ملے، میں سینئر اداکار متھن چکرورتی اور اداکار سنجے دت سے ملی ، سنجے دت کے ساتھ تو ہم نے مل کر لنچ بھی کیا ‘۔
ٹک ٹاکر ربیکا کےبالی وڈ کنگ سے متعلق دیئے گئے پر سوشل میڈیا صارفین نے ان کو تنقید کا نشانہ بناتے ہوئے ان کا مذاق اڑا یا-
پنجاب حکومت کا بسنت پر عائد پابندی اٹھانے پر غور
