اسلام آباد:ویکسین لگوانے سے 2 سال میں موت واقع ہونےکی افواہ: وزارت صحت بھی میدان میں آگئی ،اطلاعات کے مطابق وفاقی وزارت صحت نے کورونا ویکسین لگوانے سے 2 سال میں موت کی افواہ پر وضاحت جاری کردی۔
گزشتہ کئی روز سے سوشل میڈیا پر ایک خبر کا تراشہ وائرل ہورہا ہے جو فرانسیسی نوبل انعام یافتہ سائنسدان سے منسوب کیا گیا ہے۔
خبر میں دعویٰ کیا گیا ہے کہ ’کورونا ویکسین لگوانے والے افراد 2 سال میں مرجائیں گے‘۔
تمام ویکسین تحقیق اور ٹیسٹنگ کے مراحل سے گزر کر عام عوام تک پہنچتی ہیں۔ اور کوئی سائنسی تحقیق یہ ثابت نہیں کرتی کے ویکسین لگوانے سے دو سال بعد موت واقعہ ہو سکتی ہے۔ pic.twitter.com/9H9m3X9RZS
— Ministry of National Health Services, Pakistan (@nhsrcofficial) May 28, 2021
اس حوالے سے وفاقی وزارت صحت نے وضاحت جاری کردی ہے اور اس خبر کو من گھڑت قرار دیا ہے۔
وزارت صحت کے مطابق نوبل انعام یافتہ سائنسدان نے اپنے انٹرویو میں ایسی کوئی بات نہیں کی ہے کہ ویکسین لگوانے والے 2 سال میں مرجائیں گے۔
وزارت کا کہنا ہے کہ تمام ویکسین تحقیق اور ٹیسٹنگ کے مراحل سے گزر کر عام عوام تک پہنچتی ہیں۔ کورونا ویکسین سے متعلق افواہوں پرکان نہ دھریں اوراپنی اوراپنے گھروالوں کی زندگیوں کو محفوظ بنائیں
