ڈالر کے مقابلے روپے کی قدر بہتر ہونے لگی
باغی ٹی وی : ملک میں ڈالر کے مقابلے میں روپے کی قدر میں اضافہ ہوگیا اور انٹربینک میں ڈالر 11 پیسے سستا ہوکر 168.26 روپے کا ہوگیا۔اوپن مارکیٹ میں ڈالر کی قدر 30 پیسے کم ہوکر 168.70 روپے ہے۔
بازارمیں آج 60 کروڑ شیئرز کے سودے ہوئے جن کی مالیت 24 ارب 87 کروڑ روپے رہی جب کہ مارکیٹ کیپٹلائزیشن 93 ارب روپے بڑھ کر 7491 ارب روپے ہے۔
واضحرہےکہ اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی ہے
