سعودی عرب کا لڑاکا طیارہ تربیتی مشن کے دوران گر کر تباہ ہو گیا-
باغی ٹی وی: سعودی وزارت دفاع کے سرکاری ترجمان بریگیڈیئر جنرل ترکی المالکی نے بتایا کہ پیر کی شام 15 بج کر 44 منٹ پر رائل سعودی ایئر فورس کا "ٹورنیڈو” قسم کا لڑاکا طیارہ تربیتی علاقے میں معمول کے تربیتی مشن کے دوران گر کر تباہ ہوگیا یہ تربیتی علاقہ ظہران میں کنگ عبدالعزیز ایئر بیس کے تحت ہے۔
ترکی المالکی نے لائف چیئر استعمال کرنے کے بعد فضائی عملے کے زندہ بچ جانے کی تصدیق کی اورکہاکہ طیارے کےحادثے کے نتیجے میں زمین پر بھی کوئی زخمی نہیں ہوا ایک تحقیقاتی کمیٹی نے حادثے کی وجوہات کی تفصیلات جاننے کے لیے اپنا کام شروع کر دیا ہے۔
آسٹریلیا کے ساحل کے قریب فوجی ہیلی کاپٹر گر کرتباہ
قبل ازیں آسٹریلیا کے ساحل کے قریب فوجی ہیلی کاپٹر گر کرتباہ ہوگیا، ہیلی کاپٹر میں 20 امریکی میرینز سوار تھے، آسٹریلوی وزیر اعظم انتھونی البانی نے "افسوسناک” واقعہ قرار دیا ہیلی کاپٹر میں20 امریکی میرینز سوار تھے، جو جنگی مشقوں کا حصہ تھا آسٹریلیا کی وزارت دفاع نے کہا کہ حادثہ آسٹریلیا، امریکا، مشرقی تیمور، انڈونیشیا اور فلپائن کی سالانہ مشقوں کے دوران پیش آیا،آسٹریلین ڈیفنس فورس (اے ڈی ایف) نے کہا کہ ہیلی کاپٹر میں کوئی آسٹریلوی اہلکار سوار نہیں تھا ابتدائی مرحلے پر ہماری توجہ ہیلی کاپٹر میں سوار افراد کی حفاظت کو یقینی بنانے پر مرکوز ہے۔
امریکا میں پاکستانی ڈاکٹرکو دہشتگردی کےالزام میں سزا سنادی گئی
البانی نے، پہلے سے طے شدہ پریس کانفرنس میں بات کرتے ہوئے، حادثے یا بچاؤ کی کوششوں کے بارے میں تفصیلات فراہم کرنے سے انکار کردیا تھا انہوں نے کہا تھا کہ حکومت اور دفاع کے ایک محکمے کے طور پر ہماری توجہ واقعے کے ردعمل پر ہے اور اس بات کو یقینی بنانے پر ہے کہ اس مشکل وقت میں ہر طرح کی مدد اور مدد کی جائے۔
