جدہ : سعودی ولی عہد اور سعودی وزیراعظم محمد بن سلمان کی زیر صدارت کابینہ کے اجلاس میں سعودی عرب اور پاکستان دہشت گردی سے متعلق جرائم سے نمٹنے کے لیے اشتراکِ عمل کے فیصلے کی منظوری دے دی گئی۔
باغی ٹی وی :سرکاری خبررساں ایجنسی ایس پی اے کے مطابق سعودی ولی عہد اور وزیر اعظم شہزادہ محمد بن سلمان کی سربراہی میں کابینہ کا اجلاس منگل کو جدہ میں ہوا ہے۔
اجلاس میں سعودی کابینہ نے ریاستی سلامتی کے ادارے اور پاکستان میں ملٹری انٹیلی جنس سروسز کے ساتھ دہشت گردی سے متعلق جرائم اور اس حوالے سے کی جانے والی فنڈنگ کے ذرائع سے نمٹنے کے لیے مفاہمتی یادداشت کے مسودے پر تبادلہ خیال اور اس پر دستخط کا اختیار دیا اجلاس میں مختلف علاقائی اور بین الاقوامی حالات زیر بحث آئے۔
سعودی پریس ایجنسی کے مطابق سعودی عرب کی کابینہ نے پڑوسی ممالک سے آنے والے بے سہارا غیر ملکیوں کے اخراجات برداشت کرنے کا بھی اعلان کیااس فیصلے کا اطلاق اُن لوگوں پر ہوگا جنہیں مملکت میں رہنے کی اجازت دی گئی ہےسعودی حکومت بے سہارا غیر ملکیوں کو چار سال کے لیے ملازمت دینے کی صورت میں نجی اداروں کو رہائشی اور ورک پرمٹ، ملازمت اور آجر کی تبدیلی، سروس ٹرانسفر فیس، پروفیشن امینڈ منٹ فیس اور دیگر اخراجات ادا کرے گی، ان تمام افراد اور ان کے وابستگان کے رہائشی قوانین کی خلاف ورزیوں کی صورت میں کیے جانے والے سابق جرمانے بھی سرکاری خزانے سے ادا کیے جائیں گے۔
امریکا میں نوعمر آبادی میں خودکشی کی شرح میں خطرناک اضافہ
اجلاس میں رمضان کے دوران عمرہ زائرین کو سہولتیں فراہم کرنے کے حوالے سے سرکاری ایجنسیوں کی کارکردگی کا جائزہ بھی لیا گیا، سعودی ولی عہد نے سعودی عرب اور ایتھوپیا کے تعلقات بہتر بنانے کے حوالے سے ایتھوپین وزیر اعظم کے پیغام کے بارے میں بھی کابینہ کے ارکان کو بتایا۔
سعودی کابینہ کے ارکان نے علاقائی سلامتی کے حوالے سے خلیجی مجلسِ تعاون کے وژن کو سراہا جس کا مقصد خطے میں سلامتی اور استحکام، ملکوں اور ان کے عوام کی خوش حالی اور عالمی امن و سلامتی یقینی بنانا ہے سعودی کابینہ کے اجلاس میں روزگار کے مواقع پیدا کرنے سے متعلق حکومتی کوششوں کا بھی جائزہ لیا گیا اس وقت سعودی نوجوانوں میں بے روزگاری کی شرح 7.7 فیصد ہے جو ملکی تاریخ میں کم ترین ہے۔
تائیوان میں 7.2 شدت کا زلزلہ، کئی عمارتیں ملبے کا ڈھیر ،سونامی الرٹ جاری
اجلاس میں خواتین کو بااختیار بنانے کے حوالے سے مملکت میں اقدامات اور کامیابیوں پ رسال 2025 میں اقوام متحدہ میں خواتین کمیٹی کے 69 ویں اجلاس کی صدارت کےلیے مملکت کو منتخب کیے جانے کی یقین دہانی کرائی گئی،سعودی نوجوانوں اور خواتین کو مختلف شعبوں میں پیشہ ورانہ تربیت کی فراہمی اور انہیں مختلف سیکٹرز میں ملازمت کے مزید مواقع فراہم کرنے پر بھی زور دیا گیا-
