ملک میں یکساں‌نظام تعلیم رائج کرنا وقت کی ضرورت ہے صبا حمید

سینئر اداکارہ صبا حمید نے اپنے ایک انٹرویو میں تعلیم کے حصول پر زور دیا ہے. انہوں نے کہا کہ ملک میں ایلیٹ اور غریب کلاس کے بچے الگ الگ سکولوں میں‌پڑھتے ہیں یہی وجہ ہے کہ غریب کا بچہ عملی دوڑ میں پیچھے چلا جاتا ہے. سرکاری اور پرائیویٹ سکولوں کی پڑھائی میں بہت زیادہ فرق ہے جو کہ یقینا اثر انداز ہوتا ہے. انہوں نے کہا کہ بہت ہی افسوس کی بات ہےکہ ملک میں تعلیم اور صحت کو مشن کی بجائے کاروبار بنا لیا گیا ہے. حکومت کو چاہیے کہ ہنگامی بنیادوں پر تعلیم اور صحت کے شعبے میں بہتری کے لئے اقدامات کرے.

انہوں نے ایک سوال کے جواب میں کہا کہ ”صحت کے حوالے سے بھی غریب طبقات کو انتہائی مشکلات کا سامنا ہے، غریب آدمی کو اچھے علاج کی سہولیات میسر نہیں۔،” حکومت سرکاری ہسپتالوں کی حالت زار کو بہتر کرے اور فنڈز کو آبادی کے تناسب سے بڑھایا جائے۔صبا حمید نے کہا کہ اب وقت پہلے جیسا نہیں ہے ، اب وقت کے جدید تقاضوں کے مطابق چلیں گے تو نوجوان نسل بہتری کی جانب جائیگی دنیا کا مقابلہ کر سکے گی. یاد رہے کہ صبا‌حمید اکثر سوشل ایشوز پر بات کرتی رہتی ہیں اس بار انہوں نے تعلیم اور صحت پر کھل کر بات کی ہے.

جعلی اکائونٹس بنا کر تنقید کرتے ہو شرم کرو ہرشالی کاٹرولز کو جواب

شوبز سرگرمیاں معطل ہی کچن چلانے کےلئے بزنس سیٹ کرنے کی کوشش میں ہوں ببرک …

شوٹنگ مکمل کرنے کے بعد رجنی کانت نے جیکی شروف سے کیا کہا ؟