اداکار یاسر حسین نے اپنے حالیہ انٹرویو میں کچھ اداکاروں کو مشورے دئیے ہیں انہوں نے شہریار منور سے کہا ہے کہ آپ صرف ہیروز کے کردار نہ کیا کریں دوسرے کردار بھی کیا کریں، ایک خاص طرح کے کرداروں سے باہر نکلیں. یاسر حسین نے زارا نور عباس سے کہا کہ ٹھیک ہے آپ اچھی اداکارہ ہیں میں آپ کو یہ مشورہ دوں گا کہ آپ سوچ سمجھ کر کرداروں کا انتخاب کیا کریں اور کم ڈرامے کیا کریں. انہوں نے صبا قمر کے حوالے سے کہا کہ صبا ایک بہترین اداکارہ ہیں اور ان کا اداکاری میں کسی سے مقابلہ نہیں ہے.
”میں تو یہ سمجھتا ہوں کہ ہمیں صبا قمر جیسی اداکارہ دوبارہ نہیں مل سکتی” ، اس لئے صبا قمر کو چاہیے کہ وہ ڈرامے بالکل نہ کیا کریں ، بلکہ ویب سیریز اور فلمیں کریں. ان کی اداکاری دیکھ کر رونگٹھے کھڑے ہوجاتے ہیں ان کی جیسی اداکارہ دوسری کوئی نہیں ہے. انہوں نے کہا کہ صبا قمر میری دوست ہیں باقیوں سے بھی دوستی ہے لیکن صبا قمر جیسی ایکٹنگ سکل کسی میں بھی نہیں ہے اس لئے صبا جتنا ہو سکے فلمیں کریں اور ڈراموں سے دور رہیں . یاد رہے کہ یاسر حسین منہ پھٹ ہیں اور جو ان کے دل میں ہوتا ہے وہ اس کا برملا اظہار کر دیتے ہیں پھر چاہے ان کو تنقید کا سامنا ہی کیوں نہ کرنا پڑے.
