معروف اداکارہ صبا قمر نے حال ہی میں عمران اشرف کے شو مذاکرات میں شرکت کی ہے. اس میںانہوں نے کہا ہے کہ میں نے ہمیشہ ہر پراجیکٹ پر بہت توجہ دی ہے لیکن کملی ایسا پراجیکٹ رہا ہے جس میں، میں نے اپنی جان لگا دی. انہوں نے میزبان عمران اشرف کے ایک سوال کا جواب دیتے ہوئے کہا کہ ہاں مجھے ایک چاہنے والا مل گیا اور درست بات ہے کہ وہ مجھے پھول بھیجتا ہے اور پھول تو وہی بھیجتا ہے جو آپ کو پسند کرتا ہو آپ کو پیار کرتا ہو. میں بہت خوش اور مطمئن زندگی بسر کررہی ہوں. مجھے خوشی ہے کہ میری زندگی میں کوئی ایسا ہے جو مجھے بہت پسند کرتا ہے میرا بہت خیال کرتا ہے،
”انہوں نے پروگرام میں اس بات کا اعتراف تو کر لیا کہ ان کو محبت کرنے والا شخص مل چکا ہے لیکن شادی کب ہو گی اس بارے میں کوئی بات نہیں کی”. یاد رہے کہ صبا قمر پہلے بھی ایک بار ایک انٹرویو میںبتا چکی ہیں کہ ان کو کوئی شخص پھول بھیجتا ہے اور پھول بھیجنے والے شخص کا تعلق باہر کے ملک سے ہے وہ یہاں نہیں رہتا. صبا قمر نے تاہم کبھی شادی کے معاملے پر بات نہیں کی پیار محبت میںگرفتار ہیں اس کا اعتراف وہ بارہا کر چکی ہیں.