سابق آئی جی کے پی کے بھائی کو اغوا کے بعد کیا گیا قتل

پاکستان کے صوبہ خیبر پختونخواہ کے علاقے ٹانک میں افسوسناک واقعہ پیش آیا ہے
ٹاک میں سابق آئی جی خیبر پختونخواہ صلاح الدین محسود کے بھائی ملک حبیب محسود کو اغوا کے بعد قتل کر دیا گیا،واقعہ ٹانک کے علاقہ پتھر میں پیش آیا، نامعلوم ملزمان نے حبیب محسود کو اغوا کے بعد گولیاں مار دیں،مقامی میڈیا رپورٹس کے مطابق آج جمعہ کی دوپر ملک حبیب محسود اپنے گھر کے قریب گن مین کے ساتھ موٹر سائیکل پر کہیں جا رہے تھے کہ نامعلوم ملزمان نے ان پر فائرنگ کی، جس کے نتیجے میں گن مین زخمی ہو گیا ،گن مین کو طبی امداد کے لئے ہسپتال منتقل کیا گیا ہے، اسی دوران ملزمان نے حبیب محسود کو اغوا کر لیا

اغوا کی خبر کے بعد پولیس نے سرچ آپریشن کا اغاز کیا، علاقہ کی ناکہ بندی کی، اسی دوران حبیب محسود کی لاش ٹانک کے نواحی علاقے منزئی سے پولیس کو ملی جنہیں گولیاں مار کر قتل کیا گیا ہے، ہسپتال میں زیر علاج گن مین کی بھی موت ہو گئی ہے

ملک حبیب شابی خیل سابق آئی جی خیبر پختونخوا پولیس صلاح الدین محسود کے بھائی ہیں اور سابق ناظم بھی رہ چکے ہیں، واقعہ کے بعد سابق وزیراعظم عمران خان کے وکیل شیر افضل مروت کا کہنا ہے کہ میرے بہنوئی حبیب خان کو اغواء کے بعد قتل کر دیا گیا ہے اور ان کے گن مین بھی مارے گئے ہیں، پولیس موقع پر پہنچ گئی ہے

ڈھولچی ڈانسر گروپ کچے کے ڈاکوؤں کے چنگل سے بازیاب

کچے کے علاقے میں ڈاکوؤں کے خلاف آپریشن کے دوران آئی جی پنجاب اور ڈی پی او پر فائرنگ

ڈاکوؤں کے کئی ٹھکانے گرانے کے بعد جلا دیے گئے

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ