حال ہی میں شادی کرنے والے گلوکار ہارون نے شادی کی خبر مداحوں کے ساتھ شیئر کرتے ہوئے نیک تمناؤں اور محبت بھرے مبارکباد کے پیغامات بھیجنے والوں کا شکریہ ادا کردیا۔

باغی ٹی وی : سماجی رابطے کی ویب سائٹ انسٹاگرام پر گلوکار ہارون نے اپنی شادی کی تصدیق کرتے ہوئے بتایا کہ وہ رشتہ ازدواج میں منسلک ہوگئے ہیں۔
https://www.instagram.com/p/CCEZQH4J_r8/
انسٹا گرام پر اپنی شادی کی تقریب کے دوران لی گئیں تصویرشئیر کرتے ہوئے انہوں نے بتایا کہ گزشتہ روز اسلام آباد میں ایک سادہ سی شادی کی تقریب کا اہتمام کیا گیا جس میں قریبی رشتہ داروں نے شرکت کی۔

انہوں نے لکھا کہ سب سے زیادہ حیرت انگیز انسانوں میں سے ایک سے شادی کرکے خوشی اور فخر کی ملی جلی کیفیات ہیں،سچی محبت ایک طاقتور اور خوبصورت جذبہ ہے اور میں نے اس کے لئے اپنی پوری زندگی کا انتظار کیا ہے۔

انہوں نے لکھا کہ اپنی زندگی کے اس نئے باب کو اپنی خوبصورت اور دلکش بیوی کے ساتھ گزارنے اور زندگی کو خوبصورت بنانے کیلئے منتظر ہوں۔

ہارون نے لکھا کہ میں آپ سب سے ، اپنے پیارے دوستوں ، مداحوں اور فالوورز کے ساتھ اس خبر کا اشتراک کرنے کے لئے بے حد خوش ہوں۔

گلوکار نے کہا کہ مجھے پہلے ہی آپ کی طرف بہت سارے خوبصورت پیغامات موصول ہو چکے ہیں جس سے مجھے واقعتاً خوشی ملی ہے۔

واضح رہے کہ مقبول ترین گانے ’محبوبہ‘ سے شہرت پانے والے 47 سالہ ہارون برطانوی نژاد پاکستانی گلوکار، میوزک پروڈیوسر، کمپوزر، ڈائریکٹراور سماجی کارکن ہیں ہارون 90 کی دہائی میں سابقہ پاپ بینڈ ’آواز‘ کے ساتھ منسلک رہے تھے –

گلوکار ہارون نے لاک ڈاؤن میں خاموشی سے شادی کر لی