صدر مملکت سے بین الپارلیمانی یونین کی صدر گیبری ایلا کیووس بیرن کی ملاقات،اہم امور پر گفتگو

صدر مملکت سے بین الپارلیمانی یونین کی صدر گیبری ایلا کیووس بیرن کی ملاقات،اہم امور پر گفتگو

باغی ٹی وی کی رپورٹ کے مطابق صدر مملکت ڈاکٹر عارف علوی سے بین الپارلیمانی یونین کی صدر گیبری ایلا کیووس بیرن کی ایوان ِصدر میں ملاقات ہوئی ہے

ملاقات میں چیئرمین سینیٹ ، محمد صادق سنجرانی ، اور سینیٹر مرزا محمد آفریدی نے بھی شرکت کی۔اس موقع پر صدر مملکت ڈاکٹر عارف علوی کا کہنا تھا کہ عالمی برادری غیر قانونی طور پر مقبوضہ جموں و کشمیر میں انسانی حقوق کی پامالی کا نوٹس لے،بھارت مقبوضہ کشمیر میں بدترین لاک ڈاؤن سے بےگناہ لوگوں کو انسانی حقوق کی پامالی کا نشانہ بنا رہا ہے،

صدر عارف علوی کا کہنا تھا کہ بھارت نے کشمیر کے بے گناہ لوگوں پر دہشت گردی کا راج مسلط کر رکھا ہے، مقبوضہ کشمیر کے لوگوں کو اذیت میں مبتلارکھنا ، اقوام متحدہ کی قراردادوں کی صریحاً خلاف ورزی ہے،امید ہے کہ بین الپارلیمانی یونین بھارتی مقبوضہ جموں و کشمیر کے لوگوں کے حقوق کے تحفظ کے لئے اپنا کردار ادا کرے گی،

صدر نےوفد کو حکومت کی سمارٹ لاک ڈاؤن پالیسی سے بھی آگاہ کیا ۔دونوں فریقین نے پاکستان اور میکسیکو کے مابین تمام شعبوں میں دوطرفہ تعلقات کو مزید مستحکم کرنے کی ضرورت پر زور دیا۔