اسلام آباد: مقبوضہ کشمیر کی بگڑتی ہوئی صورت حال کے تناظر میں چیئرمین سینیٹ محمد صادق سنجرانی نے بھارتی افواج کے مظالم کے خلاف کشمیریوں کی مدد کے لیے عالمی رہنماوں کو خط لکھنے شروع کردیئے ہیں.یہ خط دنیا بھر کی پارلیمنٹس کےسپیکرز اور پریزائڈنگ افسروں کو خط لکھ دیئے۔
ذرائع کے مطابق کشمیر کی موجودہ صورتحال اور کشمیری عوام پر بھارتی مظالم سے متعلق عالمی برادری کو آگاہ کرنے کے لئے چیئرمین سینیٹ محمد صادق سنجرانی نے اہم ممالک کے پارلیمان کےسپیکرز سے ٹیلی فون پر بھی رابطے کا فیصلہ کیا ہے،
صادق سنجرانی نے کہا ہے کہ عالمی برادری بھارت کو کشمیر میں جاری جارحیت کو ختم کرنے اور کشمیریوں کو اقوام متحدہ کی قراردادوں کی روشنی حق خود ارادیت دلانے میں اپنا کردار ادا کرے،انہوں نے وادی نیلم میں بھارت افواج کی جانب سے لائن آف کنٹرول کی خلاف ورزی اور سولین آبادی پر بلا اشتعال فائرنگ اور گولہ باری سےمتعلق بھی تمام سپیکرز کو آگاہ کیا۔
چیئر مین سینیٹ نے کہا ہے کہ بین الااقوامی برادری بھارت کی ریاستی دہشت گردی اور کلسٹر بموں کے استعمال اور عالمی قوانین کی خلاف ورزی کا نوٹس لے، دنیا بھر کے عوام کی نمائندہ تمام پارلیمٹس بھارت پر دباؤ ڈالیں کہ وہ ہوش کے ناخن لیتے ہوئے ریاستی دہشت گردی فوری بند کرے۔
