کراچی: شہر قائد میں سیف سٹی منصوبے کیلئے 3 ارب سے زائد کی رقم جاری کر دی گئی۔
باغی ٹی وی: وزیر داخلہ سندھ ضیا لنجار کا کہنا ہے کہ کراچی سیف سٹی منصوبےکا پہلا مرحلہ 12 ماہ میں مکمل کرنےکی ہدایت کی ہے، منصوبے سے شہر قائد میں جرائم کی شرح میں کمی اور خاتمے میں مدد ملے گی،دوسرے مرحلےمیں کراچی کو مکمل کور کرنےکی کوشش کی جائے گی،کراچی کے بعد صوبے کے دیگر شہروں میں بھی سیف سٹی منصوبے کو وسیع کیا جائے گا، کوئی حکومت نہیں چاہتی کہ جرائم کی وارداتیں ہوں، امن و امان کی صورتحال میں بہتری آ رہی ہے، یہ نہیں کہتا صورتحال مکمل بہتر ہے مگر صورتحال بہتر ضرور ہو رہی ہے۔
دوسری جانب سندھ پولیس نے مختلف مقدمات میں مفرور ملزمان کی موبائل فون سمز بلاک کرنے کا فیصلہ کیا ہے، آئی جی سندھ غلام نبی میمن کی زیر صدارت اجلاس ہوا جس میں ایڈیشنل آئی جی اور شعبہ تفتیش کے تمام پولیس افسران نے شرکت کی۔
علی امین گنڈا پور کی بانی پی ٹی آئی سے اڈیالہ جیل میں ملاقات
اعلامیے کے مطابق اجلاس میں زونل ڈی آئی جیز اور سی آئی اے نے امن و امان کی صورتحال پر بریفنگ دی،آئی جی سندھ غلام نبی میمن نے اجلاس میں کہا کہ پولیس کے تمام شعبوں نے جرائم کے خلاف اچھی کارکردگی دکھائی ہے ، کراچی میں کرائم کی کمی کا اعتراف شہری خود کر رہے ہیں اس لیے کرائم کے خلاف پولیس اقدامات جاری رکھنے کی ضرورت ہے۔
سیکیورٹی فورسز کا پشاور میں آپریشن،5 دہشتگرد ہلاک اور 3 زخمی،کیپٹن اور 1 جوان …
اجلاس میں آئی جی سندھ نے عید قربان پر مویشی منڈیوں، بازاروں، شاہراہوں اور علاقوں کو محفوظ بنانے اور ضلعی افسران کو سکیورٹی پلان تیار کرکے اہلکاروں کے ساتھ پولیس افسران کو بھی فیلڈ میں موجود ہونے کہ ہدایت کی، کہا کہ تمام افسران روزانہ کی بنیاد پر کرائم ڈیٹا فراہم کریں اور مفرور ملزمان کی موبائل فون سمز بلاک کی جائیں۔
پاکستان ’ون چائنا‘ پالیسی پر عمل پیرا ہے،وزیر اعظم شہباز شریف
