سیاحوں کے لیےخوشخبری، بابوسر ٹاپ طویل وقفے کے بعد کھول دیا گیا

سیاحوں کیلئے خوشخبری: بابوسر ٹاپ اٹھ ماہ کے طویل وقفے کے بعد ٹریفک کیلئے کھول دیا گیا۔

حکام کے مطابق بابوسر پر برف ہٹانے کا کام مکمل کر کے شاہراہ کو بحال کردیا گیا ہے جبکہ بابوسر ناران روڈ کی بحالی کے لئے برف ہٹانے کا عمل جاری ہے۔حکام کے مطابق اس روڈ پر تیرہ چھوٹے بڑے گلیشرز اور تودوں کو صاف کیا گیا ہے۔

ستمبر سے بابوسر ٹاپ پر شدید برف باری شروع ہو جاتی ہےجس کے باعث یہ شاہراہ تقریباً آٹھ ماہ ٹریفک کے لیے بند ہوجاتی ہے۔اس روڈ کے کھلنے سے ملک کے دیگر شہروں سے گلگت بلتستان کا سفر کا دورانیہ بھی کم ہوجاتا ہے۔برف باری سے بند ہونے والے سیاحتی مقام بابوسر ٹاپ اٹھ ماہ کے طویل وقفے کے بعد ٹریفک کیلئے کھول دیا گیا۔خیبرپختونخواہ کےہزارہ ڈویزن اور گلگت بلتستان کے سنگم پر واقع سطح سمندر سے 13 ہزار 6 سو فٹ سے زیادہ بلندی پر واقع بابو سر ٹاپ کھولتے ہی سیاحوں کی بڑی تعداد بابوسر ٹاپ پہنچ گئی۔