سیف علی خان اور کرینہ کپور کے چھوٹے بیٹے کے نام پر بھارتی سوشل میڈیا پر نئی بحث کا آغاز

بھارتی اداکار جوڑی کرینہ کپور اور سیف علی خان کے بچوں کے ناموں پر ایک بار پھر بھارتی سوشل میڈیا پر نئی بحث کا آغاز پو گیا ہے-

باغی ٹی وی : کرینہ کپور اور سیف علی خان کے ہاں رواں سال فروری میں دوسرے بیٹے کی پیدائش ہوئی ہے اپنے پہلے بیٹے تیمور علی خان کے نام پر ہونے والے ہنگامے کے پیشِ نظر انہوں نے اپنے دوسرے بیٹے کا نام رکھنے میں بہت وقت لیا۔

برطانوی نشریاتی ادارے بی بی سی کی رپورٹ کے مطابق اس ہفتے کرینہ کپور کے والد رندھیر کپور نے ایک بھارتی روزنامے کو انٹرویو میں بتایا کہ ان کے نواسے کا نام "جیہہ” رکھا ہے-

جس کے بعد سوشل میڈیا پر کچھ لوگوں نے پھر سے نفرت آمیز گفتگو کا سلسلہ شروع کر دیا کسی نے جہادی کہا تو کسی نے چنگیز خان، کسی نے کہا کہ یہ مغل بادشاہ جہانگیر کے نام پر رکھا گیا ہے۔

خیال رہے کہ چند روز قبل کرینہ کپور اور اداکار سیف علی خان نے اپنے دوسرے بیٹے کا نام تمام خاندان والوں کی مشاورت سے "جیہہ’ رکھا ہے "جیہہ "ایک پارسی لفظ ہے جس کا مطلب نیلے رنگ کا پرندہ ہے اور آنا بھی ہے

واضح رہے کہ اس سے قبل کرینہ کپور اور اداکارسیف علی خان سے متعلق یہ خبریں زیرِ گردش تھیں کہ اُنہوں نے اپنے چھوٹے بیٹے کا نام ’جے‘ رکھ دیا ہے۔
بھارتی میڈیا کا کہنا تھا کہ کرینہ کپور اور سیف علی خان نے اپنے دوسرے بیٹے کا نام ’جے‘ رکھا ہے تاہم اُنہوں نے اپنے بیٹے کے اس نام کو ابھی تک سرکاری دستاویزات کے لیے حتمی شکل نہیں دی ہے۔

بھارتی میڈیا کا کہنا تھا کہ سیف علی خان اور کرینہ کپور گھر میں اپنے چھوٹے بیٹے کو ’جے‘ کے نام سے ہی پکارتے ہیں۔

یاد رہے کہ بھارتی فلمی جوڑے کا ایک بڑا بیٹا تیمورعلی خان ہے جس کی عمر اس وقت 4 سال ہے۔

سیف علی خان اور کرینہ نے دوسرے بیٹے کا نام "جے” رکھا ہے؟