خوبصورت اور باصلاحیت اداکارہ سجل علی جو کہ انسٹاگرام پر بہت ایکٹیو رہتی ہیں اور ایک بڑی فین فالونگ رکھتی ہیں. انہوں نے حالیہ دنوں میں ایک ایسی پوسٹ کی جس نے ان کے مداحوں کے دل جیت لئے. سجل علی نے انسٹاگرام پر اپنی ایک تصویر جاری کی ہے جس میں وہ سیاہ اور سفید لباس میں ملبوس ہیں۔ سجل علی نے مذکورہ پوسٹ کے کیپشن میں لکھا کہ میں نے یہ کہیں پڑھا اور سوچا کیوں نہ یہ آپ سب سے بھی شیئر کیا جائے۔ انہوں نے لکھا کہ دنیا میں زیادہ تر چیزیں نہ سفید ہوتی ہیں اور نہ سیاہ، نہ غلط ہوتی ہیں اور نہ ہی صحیح ہوتی ہیں، بلکہ ہر چیز ایک دوسرے سے مختلف ہوتی ہے۔
انہوں نے مزید لکھا کہ مجھے اب یہ بات سمجھ آئی ہے کہ مختلف ہونے میں کوئی خرابی نہیں ہے اور ہمیں چیزوں کو مختلف ہونے دینا چاہیے، ہمیں انہیں سیاہ یا سفید میں سے ایک بنانے کی کوشش نہیں کرنی چاہئے، ہمیں انہیں سرمئی رہنے دینا چاہئے۔سجل علی کی اس پوسٹ پر ان کے مداحوں نے کمنٹس کئے اور زیادہ تر مداحوں نے ان کی اس بات سے اتفاق کیا اور کہا کہ سجل علی نے ہمارے دل کی بہت ہی حقیقی بات کر دی ہے.
