چیف سیکرٹری کا فصلوں کی باقیات، کوڑا کرکٹ جلانے پر پابندی پر سختی سے عملدرآمد کرانے کا حکم
چیف سیکرٹری پنجاب عبداللہ خان سنبل نے تمام ڈپٹی کمشنرز کو ہدایت کی ہے کہ دفعہ144 کے تحت فصلوں کی باقیات اور کوڑا کرکٹ جلانے پر پابندی پر سختی سے عملدرآمد کرایا جائے اور اس سلسلے میں محکمہ مال کے عملے کو فیلڈ میں متحرک کیا جائے۔ انہوں نے یہ ہدایت سموگ پر قابو پانے کیلئے کئے جانیوالے اقدامات کا جائزہ لینے کیلئے سول سیکرٹریٹ میں منعقد اجلاس کی صدارت کرتے ہوئے کی۔ اجلاس میں فیصلہ کیا گیا کہ تمام محکمے سرکاری گاڑیوں کیلئے وہیکل انسپکشن اینڈ سرٹیفیکیشن سسٹم (VICS)کے تحت سرٹیفکیٹ حاصل کریں گے اورمحکمہ ماحولیات میں قائم سنٹرل کنٹرول روم کو 12 اکتوبر سے مکمل فعال کر دیا جائے گا۔ ماحولیات،زراعت، صنعت اور متعلقہ محکموں کے فوکل پرسنز کنٹرول روم میں فرائض سر انجام دیں گے۔چیف سیکرٹری عبداللہ خان سنبل نے ہدایت کی کہ ماحولیاتی آلودگی کا باعث بننے والی گاڑیوں اور صنعتوں کیخلاف کریک ڈاؤن تیز کیا جائے، صرف زگ زیگ ٹیکنالوجی کے حامل بھٹو ں کو کام جاری رکھنے کی اجازت ہوگی۔ انہوں نے کہا کہ سموگ کے مسئلے پر قابو پانے کیلئے ڈپٹی کمشنرز کا کردار نہایت اہم ہے اور اس سلسلے میں کارکردگی کا با قاعدگی سے جائزہ لیا جائے گا۔
چیف سیکرٹری عبداللہ خان سنبل نے محکمہ ماحولیات کو ہدایت کی کہ فصلوں کی باقیات جلانے والوں کیخلاف کارروائی کیلئے ڈپٹی کمشنرز کو بروقت معلومات فراہم کی جائے اورمتعلقہ صوبائی محکمے اور فیلڈ افسران باہمی رابطہ کار بڑھائیں۔ انہوں نے کہا کہ سموگ کے خاتمے کیلئے سرکاری اداروں اور سول سوسائٹی سمیت سب کو ملکر کام کرنا ہوگا۔چیف سیکرٹری نے محکمہ زراعت کو ڈیٹا اکٹھا کرنے کے نظام کو بہتر بنانے سے متعلق بھی ہدایات جاری کیں۔ سیکرٹری صنعت ڈاکٹر احمد جاوید قاضی نے اجلاس کو تفصیلی بریفنگ دی۔
انہوں نے بتایا کہ انڈسٹریل یونٹس کی انسپکشن کیلئے سات اینٹی سموگ سکواڈ تشکیل دیئے گئے ہیں،لاہور میں تین جبکہ گوجرانوالہ، شیخوپورہ، فیصل آباد اور ملتان میں ایک ایک سکواڈ کام کر رہاہے۔ پرانی ٹیکنالوجی کے حامل 428بھٹوں کو سر بمہر،226مقدمات درج اور ایک کروڑ روپے کے جرمانے کئے گئے۔ دھواں چھوڑنے والی گاڑیوں کی چیکنگ کیلئے لاہور میں دو خصوصی سکواڈ کام کر رہے ہیں۔ فصلوں کی باقیات جلانے پر مختلف شہروں میں 11 ایف آئی آرز درج کی گئیں۔ پاکپتن میں سات، چنیوٹ میں دو جبکہ اوکاڑہ اور خانیوال میں ایک ایک ایف آئی آر درج کی گئی۔کوڑا کرکٹ جلانے پرنو افراد کو گرفتار، 72ایف آئی آرز درج اور37لاکھ روپے کے جرمانے عائد کئے گئے۔اجلاس میں مختلف محکموں کے سیکرٹریز، ڈپٹی کمشنر لاہوراور متعلقہ افسران نے شرکت کی جبکہ شیخوپورہ، قصور، اوکاڑہ، ساہیوال، گوجرانوالہ، حافظ آباد اور نارووال کے ڈپٹی کمشنرز نے ویڈیو لنک کے ذریعے شرکت کی۔
اسلام آباد ہائیکورٹ میں سیکورٹی سخت،رینجرزتعینات،حملہ وکلاء کو عدالت نے کہاں بھجوا دیا؟
باقی یہ رہ گیا تھا کہ وکلا آئیں اور مجھے قتل کر دیں میں اسکے لیے تیار تھا،چیف جسٹس اطہر من اللہ
پیکا ترمیمی آرڈیننس،لگتا ہے وزیراعظم کی کسی نے ٹھیک سے معاونت نہیں کی،عدالت
سموگ کے تدارک کے لئے لاہور ہائیکورٹ نے حکومت سے کیا پوچھ لیا؟
مغل پورہ کی طرف جائیں آسمان کا رنگ ہی بدل جاتا ہے،لاہور ہائیکورٹ
