باغی ٹی وی کی رپورٹ کے مطابق سلیم ملک ڈٹ گئے،سابق کپتان سلیم ملک نے بڑا اعلان کردیا
سلیم ملک کا کہنا ہے کہ اگر پی سی بی سے نے انصاف نہ دیا تو میرے پاس آئی سی سی میں جانے کا راستہ کھلا ہے۔ اگر بورڈ انصاف نہیں دیتا تو میں سب کچھ سامنے لاوں گا۔ میں کسی کے خلاف نہیں ہوں اور نہ ہی میں نے کبھی کسی کا نام لیا ہے ۔ میں شروع سے کہتا آرہا ہوں کہ جسٹس قیوم کی رپورٹ پڑھیں ۔
سلیم ملک ڈٹ گئے /سابق کپتان کا بڑا اعلان pic.twitter.com/u1G8edbP0y
— Baaghi TV باغی ٹی وی (@BaaghiTV) May 12, 2020
سلیم ملک کا کہنا تھا کہ اب لوگوں نے یہ رپورٹ پڑھی ہے تو سمجھ آئی ہے ۔میری عادت رہی ہے کہ جب تک کوئی مشورہ نہ مانگے بلاوجہ مشورے نہیں دیتا۔ وسیم اکرم نے کبھی مجھ سے کچھ سیکھنے پاپوچھنے کی خواہش نہیں کی اور میں نے بتایا نہیں ۔اس ساری صورت حال کے بعد کاروبار کرکے زندگی اچھے طریقے سے گذاری ہے۔
سلیم ملک کا مزید کہنا تھا کہ میرے بیٹے شافع ملک کو اچھی کارکردگی کے باوجود میری وجہ سے نشانہ بنایا جانا افسوس ناک ہے۔ پی سی بی سے بہت مرتبہ رابطہ کیا مگر انہوں نے جواب نہیں دیا۔پی سی بی سے دوبارہ بھی رابطہ کیا ہے مگر ابھی کوئی جواب نہیں آیا۔ پی سی بی کے پاس کچھ تھا تو میں آٹھ سال کیس لڑا ہوں عدالت میں پیش کرتے ۔
سلیم ملک کا مزید کہنا تھا کہ لوگ یہ سمجھ رہے ہیں کہ میں شاید سلیکٹریا ٹیم کی کوچنگ کی طرف آنا چاہتا ہوں ،میں اکیڈمی کی سطح پر نوجوان کرکٹرز کی کوچنگ کرکے پاکستان کرکٹ کی خدمت کرنا چاہتا ہوں۔
کس کس نے کھیلا جوا اورکس نے کی میچ فکسنگ،سلیم ملک ،عامرسہیل نے کئے اہم انکشاف
