نیب نے سلیم مانڈوی والا کو طلب کرلیا

نیب نے سلیم مانڈوی والا کو طلب کرلیا

باغی ٹی وی : ڈپٹی چیئرمین سینٹ سلیم مانڈوی والا کو نیب کی جانب سے نوٹس وصول ہوگیا . نیب نوٹس میں سلیم مانڈوی والا کو چار فروری کو نیب کورٹ میں طلب کیا گیا ہے . نیب کورٹ نے ڈپٹی چیئرمین سینٹ کو اعجاز ہارون کے کیس کے سلسلے میں طلب کیا ہے . اس کیس کے لیے ڈپٹی چیئرمین سینیٹ چار فروری کو حاضر ہوں گے.

ادھر ڈپٹی چیئرمین سینیٹ سلیم مانڈوی والا نے کہا ہے کہ فارن فنڈنگ کیس کے حوالے سے ہم نے اپنا مفصل جواب جمع کروادیا ہے، پیپلز پارٹی کے بینک اکاؤنٹس کی تفصیلات کے ساتھ جواب جمع کروادیا، کبھی کوئی فارن فنڈنگ نہیں لی۔

اسلام آباد میں میڈیا سے گفتگو کرتے ہوئے سلیم مانڈوی والا نے کہا کہ باقی جماعتیں اپنا حساب الیکشن کمیشن میں جمع کروائیں اور الیکشن کمیشن اپنا فیصلہ سنائے۔

سلیم مانڈوی والا نے کہا کہ میں نے کبھی نہیں کہا کہ چیئرمین نیب کرپشن پر ہاتھ نہ ڈالیں، بزنس کرنے والوں کو تنگ کرینگے تو صورتحال اچھی نہیں رہے گی۔

ڈپٹی چیئرمین سینیٹ نے کہا کہ چیئرمین نیب پورے سسٹم کو ڈسٹرب کر رہے ہیں اسے سمجھنے کی ضرورت ہے۔