![](https://baaghitv.com/wp-content/uploads/2022/12/salman-khan-fans-gathered-outside-galaxy-apartments-gets-beaten-up-by-the-police-turns-into-a-riot-like-situation-read-on-01.jpg)
اداکار سلمان خان کی شادی کب ہو گی یہ سوال اکثر ان سے کیا جاتا ہے اور سلمان خان اس سوال کو ادھر ادھر کر دیتے ہیں اور مناسب جواب نہیں دیتے حالانکہ سلمان خان کی دوستیاں بہت ساری ٹاپ کی ہیروئینز کے ساتھ رہیں ، ان کی ایک دوستی ختم ہوتی تو ساتھ ہی دوسری لڑکی کے ساتھ دوستی سامنے آجاتی ، لیکن آج تک سلمان خان گھر نہ بسا سکے. سلمان خان کی حال ہی میں 57 ویں سالگرہ تھی ، دنیابھر سے ان کو مبارکبادیں وصول ہوئیں اس موقع پرسوشل میڈیا پر ان کے پرانے انٹرویو کے کلپس وائرل ہوتے رہے ، ایک ایسا ہی 2019 میں دئیے گئے ایک انٹرویو کا کلپ وائرل ہوتا رہا جس میں سلمان خان کہہ رہے ہیں کہ مجھے بچوں سے بہت محبت ہے مجھے بچے تو چاہیں ان کی ماں نہیں چاہیے. سلمان خان اس کلپ
میں کہہ رہے ہیں بچے لائیں تو ماں بھی ساتھ آتی ہے اور بچوں کو ماں کی ضرورت ہوتی ہے کیونکہ وہ ماں کے بغیر نہیں رہ سکتے. یوں سلمان خان سے کئی بار ان کی شادی کے حوالے سے سوال ہو چکا ہے لیکن وہ کبھی بھی تسلی بخش جواب نہیں دیتے اور سوال کو ٹال جاتے ہیں. یاد رہے کہ اگلے سال سلمان خان کی فلم کسی کا بھائی کسی کی جان ریلیز ہونے جا رہی ہے اس میں شہناز گل ڈیبیو کررہی ہیں.