بالی ووڈ سُپراسٹار سلمان خان کی بھانجی علیزے اگنی ہوتری بالی ووڈ میں انٹری کے لئے تیار ہیں-

باغی ٹی وی : بھارتی میڈیا رپورٹس کے مطابق سلمان خان آئندہ ماہ اپنی بھانجی علیزے اگنی ہوتری کو بالی ووڈ میں متعارف کرانے کے لیے تیار ہیں، علیزے بہت جلد ایک رومانوی فلم میں نظر آئیں گی جس کو خود سلمان خان پروڈیوس کررہے ہیں۔

سلمان خان "انتم” کے پوسٹر پر دودھ پھینکنے والے مداح پر برہم

رپورٹس کے مطابق سلمان خان خود علیزے کے کیرئیر میں دلچسپی لے رہے ہیں اور گزشتہ کئی دنوں سے اپنی بھانجی کی ٹریننگ بھی کررہے ہیں۔

سلمان خان کی بھانجی علیزے کی فلم کی شوٹنگ آئندہ سال شروع ہوگی اور امید کی جارہی ہے کہ فلم 2023 میں ریلیز ہوگی، اس سے قبل یہ خبریں بھی سامنے آئی تھیں کہ علیزے سلمان خان کے قریبی دوست سورج کی فلم میں نظر آئیں گی تاہم ایسا نہ ہوسکا۔

واضح رہے کہ رواں سال ستمبر میں علیزے نے ایک جیولری برانڈ کے لیے ماڈلنگ کی تھی جس کے بعد سلمان خان سمیت دیگر افراد نے ان کی اداکاری کو سراہا تھا، سلمان خان نے علیزے کی ویڈیو کو شئیر کرتے ہوئے کہا تھا کہ ارے واہ، بیٹا علیزہ تم کتنی اچھی لگ رہی ہو۔

سلمان خان کی شادی نہ کرنے کی وجہ کیا ہے؟ بہنوئی آیوش شرما کا حیران کن انکشاف

خیال رہے کہ کترینہ کیف اور وکی کوشل کی شادی ہونے جا رہی ہے،ایسے میں سلمان خان پھر سے خبروں میں ہیں اور ان کے مداحوں کو ان کی شادی کی فکر لگ گئی تاہم مداحوں کئے سوالات کے جواب میں دبنگ خان کی بہن ارپیتا خان کے شوہر آیوش شرما کا کہنا ہے کہ سلمان خان کام ہی اتنا کرتے ہیں کہ ان کے پاس شادی کے لیے وقت ہی نہیں وہ سلمان خان کے سامنے شادی کے موضوع کو نہیں چھیڑتے ، انہیں لگتا ہے کہ سلمان خان اپنی زندگی سے بہت خوش ہیں اور وہ اپنے فیصلے خود لیں گے۔

آیوش شرما نے بتایا کہ سلمان خان کا طرز زندگی بہت سادہ ہے، وہ دو تین سال تک ایک ہی فون استعمال کرسکتے ہیں،انہیں فونز میں کوئی دلچسپی نہیں ہے سلمان خان کو کاروں میں دلچسپی ہے نہ ہی کپڑوں اور گھر میں موجود پرتعیش اشیاء سے ۔ انہیں دو تین گھنٹوں کے لیے اکیلا چھوڑدیں تو وہ فلمیں دیکھنے میں وقت گزاریں گے۔

سعودی عرب: سلمان خان "ریاض سیزن” میں پرفارم کریں گے

سلمان خان کترینہ کیف کی شادی میں کیوں شرکت نہیں کریں گے؟