بالی ووڈ کے معروف اداکار سلمان خان نے عالمی وبا کورونا وائرس سے بچاؤ کے لیے دوسری ڈوز لگوالی۔
باغی ٹی وی :بھارتی میڈیا رپورٹس کے مطابق سلمان خان کو گزشتہ روز یعنی عیدالفطر کے دن ممبئی کے ایک ویکسینیشن سینٹر میں دیکھا گیا جہاں اُنہوں نے کورونا ویکسین کی دوسری ڈوز لگوائی۔
تاہم سلمان خان کی جانب سے ابھی تک اُن کے کسی سوشل میڈیا پیغام میں اس حوالے سے کوئی اطلاع نہیں دی گئی ہے۔
واضح رہے کہ سلمان خان نے رواں سال 24 مارچ کو کورونا ویکسین کی پہلی ڈوز لی تھی جس کے بارے میں اُنہوں نے اپنے ٹوئٹ میں بتایا تھا۔
Took my first dose of vaccine today….
— Salman Khan (@BeingSalmanKhan) March 24, 2021
سلمان خان نے یہ بھی انکشاف کیا تھا کہ اُن کے والد سلیم خان اور والدہ سلمیٰ خان نے بھی کورونا ویکسین کی دونوں ڈوز لگوالی ہیں۔
خیال رہے کہ سلمان خان نے 13 مئی کو اپنی فلم ’رادھے‘ ریلیز کی اداکار نے گزشتہ روز عید کی مبارکباد دینے کے بعد اپنے پرستاروں سمیت ان تمام افراد کا بالخصوص شکریہ ادا کیا تھا جنھوں نے ان کی نئی فلم ’رادھے‘ کو عید کے پہلے دن بڑے پیمانے پر دیکھ کر کامیاب بنایا۔
