ایران کے ایک رکن پارلیمنٹ مالک شریعتی نے نیویارک میں توہین رسالت کے مرتکب سلمان رشدی پر حملے کو ایرانی پاسداران انقلاب کی القدس فورس کے کمانڈر جنرل قاسم سلیمانی کے قاتلوں کو انتباہ قرار دیا ہے۔
باغی ٹی وی : مالک شریعتی نے سوشل میڈیا ویب سائٹ ٹوئٹر پر اپنے ٹویٹ پر لکھا کہ اس بات سے قطع نظر رشدی پر حملے میں بالواسطہ یا بلا واسطہ ملوث ہے یا نہیں، یہ حملہ جنرل قاسم سلیمانی کے قاتلوں کے لیے ایک انتباہ کا درجہ رکھتا ہے۔
ملعون سلمان رشدی پرحملہ کرنیوالےملزم کی شناخت ظاہر
انہوں نے کہا کہ اگر ایران براہ راست رشدی پر حملے میں ملوث ہے تو یہ ایران کے ایک اسلامی قوت ہونے کو ثابت کرتا ہے، اگر ایک مسلمان نے یہ حملہ اپنے طور پر کیا تو اس کا مطلب یہ ہے کہ ایرانی انقلاب ایران سے باہر بھی برآمد ہو چکا ہے اور دشمنوں کے درمیان پہنچ چکا ہے۔
“The attack on Salman Rushdie is a warning to murderers of Qassem Soleimani,” member of Iran’s Parliament Malek Shariati tweeted on Saturday.
— Iran International English (@IranIntl_En) August 13, 2022
ایرانی پارلیمنٹیرین نے کہا کہ اگر یہ حملہ امریکہ اور برطانیہ نے خود کرایا ہے تو یہ ان لوگوں کے لیےایک سبق ہے جو مغرب پر اعتماد کرتے ہیں اس لیے رشدی کو نشانہ بنایا ہر صورت قاسم سلیمانی کمانڈر ایرانی پاسداران انقلاب کے لیے ایک انتباہ ہے۔
ٹرمپ کے گھر پر چھاپے کے دوران "انتہائی خفیہ” دستاویزات ضبط
واضح رہے ایران پاسداران انقلاب کے کمانڈر جنرل قاسم سلیمانی کو 3 جنوری 2020 کو عراق میں اس وقت کے امریکی صدر ڈونلڈ ٹرمپ کے حکم پر ایک فضائی حملے میں ہلاک کیا گیا تھا۔ قاسم سلیمانی قدس فورس کے سربراہ کے طور پر ایران سے باہر پاسدران انقلاب کی کارروائیوں کی نگرانی اور منصوبہ بندی کے ذمہ دار تھے۔
دوسری جانب قبل ازیں امریکہ میں سابق صدر کے ساتھ بطور نیشنل سکیورٹی ایڈویئزر کرنے والےجان بولٹن کے قتل کامنصوبہ تیار کرنے پر ایرانی پاسدران انقلاب کے ایک رکن پرفرد جرم عائد کی گئی ہے امریکی محکمہ انصاف کے مطابق جان بولٹن کے قتل کا منصوبہ ممکنہ طور پر قاسم سلیمانی کے حوالے سے بنایا گیا تھا۔
